G.E.M.暗寸「叱咤」模棱兩可

王腳立

鄧紫棋（G.E.M.）前晚出席聖誕倒數活動，她自爆正與公司商量，未必出席全部音樂頒獎禮。有傳「叱咤」因偏幫環球吳雨霏，令她痛失原本屬於她的女歌手銅獎，G.E.M.說：「都冇『原本』呢樣嘢嘅，只希望香港可以似外國格林美獎一樣咁有權威，依家香港頒獎禮似搞Event，當Party參加都開心嘅！但係如果口是心非嘅話，講同做又唔一致，會同公司諗下點樣喺尊重情況下支持。」問到是否因爭獎而與電台傾唔掂數？她繼續暗寸：「唔知咩係爭獎，只會做好自己音樂。有啲媒體鼓勵歌手應該真心一致，話公平，但係準則又模棱兩可，好難捉摸。」同場的英皇歌手馮允謙表示不清楚古巨基是否因被電台打壓而缺席四台頒獎禮：「基仔好好人，我都想佢出席，但我自己一定會參加，當見識吓。」

• 馮允謙