C朗停賽 皇馬作客3：0爆「基」

chan200308

周日西甲聯賽，銀河艦隊皇家馬德里予取予攜，憑謝斯洛迪古斯、賓施馬和莫迪歷各入一球，作客大勝基達菲3:0，積分與巴塞和馬體會並駕齊驅。

皇馬此役正選作出兩個變動，艾比路亞和沙比阿朗素出任正選，大紅人C朗繼續停賽，攻擊組合包括賓施馬（Karim Benzema）、加里夫巴利和謝斯洛迪古斯。

開賽5分鐘，皇馬首記射門，打開紀錄，謝斯洛迪古斯接應加里夫巴利助攻，起右腳抽入，領先1:0；第18分鐘，比比失去重心倒下，阿祖安哥倫加窄角度施射，過不了門將。

27分鐘，皇馬「小天使」迪馬利亞策動快攻，送出美妙長傳，賓施馬心口控定，冷靜射成2:0，亦是球隊今季第100球。

換邊後，局面變化不大，中場莫迪歷於66分鐘，禁區頂接應馬些路傳送，遠射抽入，遙遙領先至3:0，勝負大定。

繼首循環大勝4:1之後，皇馬再數3球，近4戰全勝，賽後與巴塞隆拿、馬德里體育會同得60分，因得失球差的影響排名次席，西甲爭霸形勢進入白熱化階段。