女人+足球=厄運？歪理！

chan200308

女子不應該融入男子足球運動的世界?

早兩天有一件令薄荷糖頗為憤怒的新聞，事緣凱沙羅頓主席、前德國國腳觀斯在一個直播電視節目中暗諷女士會為足球帶來噩運，而令他說出這樣一番說話的原因，竟然是因為抽籤不利。上一輪德國盃抽籤，由德國國家女子足球隊教練奈德操刀，凱沙羅頓就抽中勁旅利華古遜；今輪由女泳手布魯恩操刀，凱沙羅頓就抽中拜仁慕尼黑。觀斯更大呼女性加足球就會帶來噩運。你知否這種噩運，可是很多球員都想要的？

車迷對伊娃卡尼路 （Eva Carneiro） 應該不陌生，不過薄荷糖都為大家介紹一下，當然她是一位女士，更重要的，她是很重要的隊醫！你肌肉痠痛、要人按摩下？伊娃未必幫到你，因為這是藍軍隊員的專利！車路士去邊到比賽都要帶埋伊娃，只因佢係車路士嘅一隊隊醫！曾經出現在北京奧運，為女運動員服務過；亦為女子足球隊貢獻過，在諾定咸、澳洲等地修讀與運動有關的醫學，美麗的伊娃除了是一眾車迷的寵兒，更是車路士一班大軍的支柱之一。更重要的是，她是混血的美女，是英國人與西班牙人的混血兒！如果足球加女人等如噩運，車路士應該一早車毀人亡。

另一個大可以即時灰飛煙滅的，可能是FIFA。2010年加入FIFA女旁證名單之列嘅西恩馬茜（Sian Massey）大家一定唔會陌生，因為呢位女旁證雖然唔出位，不過就因為有人寸佢唔識越位，令傳媒界引發軒然大波。不過，佢睇越位隨時準過好多男性球證！而上一年曼聯對車路士一役，佢叫停雲佩斯同托利斯叫佢哋「小心啲（Be careful）」都非常深入民心。如果足球加女人等如惡運，選她入FIFA兼工作達3年之久，豈不非常危險？

在這裡，薄荷糖衷心希望凱沙羅頓在德國盃旗開得勝、最少要贏埋拜仁。皆因觀斯認為女性會為他的球隊帶來厄運，抽籤都會抽中超強隊伍；不過事實證明奈德已為凱沙羅頓帶來勝利，如果布魯恩都為凱沙羅頓帶來勝利，唔單止可以一挫觀斯的氣焰，更可以大條道理叫佢換哂成個團隊做女性員工，皆因咁樣凱沙羅頓先可以做長勝將軍。

男人愛隊啤睇波，小女子鍾情睇波嗒糖，貴乎視野清新冰涼