潮男整容變歪臉吳彥祖

港人到台灣整容成風，但一名貌似影星吳彥祖的港男，因對「少少哨」的上顎感到不滿，到台灣接受正顎骨和削顴骨整形手術，卻換來高低不對稱臉頰、左邊臉凹陷及牙齒合不齊等問題。容貌改變令他不敢見朋友，情緒大受困擾，體重急跌三十磅，原打算接受修正手術，惟本港多名整形醫生礙於風險過高而拒絕，令港男悔不當初，「如果我係女仔，一早去咗自殺！」整形外科醫生提醒港人，接受每項整容手術前，必須與醫生做好溝通。

到外地接受整容手術有多危險？三十多歲的阿明（化名）就以自己的慘痛經歷提醒其他港人，決定接受整容前必須三思。阿明中等身材，衣着入時，堪稱型男一族，驟眼看樣貌與吳彥祖相似，只是他對自己「少少哨」的牙齒不太滿意，去年萌生修正牙齒念頭，在網上搜尋「正顎手術」資料，發現台灣不少整容診所均有該項手術。

至今劇痛難進食

阿明於網上找到一名專門做該項手術的台灣醫生，而該醫生在網上亦獲甚佳評價，「見到好多人話呢個醫生做得幾好，所以決定去台灣整。」阿明先到台灣接受醫生的檢查，「醫生建議我做埋削下巴、上顎骨手術，佢又話我顴骨有啲闊，建議我削顴骨，我信個醫生所以接受，手術費約十三萬港元。」

檢查完後，阿明獲安排於九月底再赴台接受手術，手術歷時逾八小時。手術後，阿明形容「自己腫到成個豬頭咁！」初時以為「消咗腫就冇事」，但一個星期後，傷口仍然很痛，而且未能進食，整形醫生解釋是傷口未消腫，稍後會好轉，阿明深信不疑，在當地逗留了一個月後返港，之後每月再返台覆診一次。

今年三月，阿明的臉部已逐漸消腫，但其他問題卻陸續浮現，首先他發現兩邊臉頰不對稱，左右顴骨高低不齊，「朋友見到我以為我撞咗車！」記者摸過阿明的左臉頰，發覺下顎骨位置「凹咗入去」。

「依家每次進食，右邊牙肉都會劇痛，難以咀嚼硬物，平時食嘢只需十分鐘，依家要食半個鐘！」另外，阿明兩排牙齒不能咬齊，如果強行合齊，臉部就會出現右歪。

港醫生拒執手尾

他向台灣醫生反映不滿意整容效果，但只獲回覆：「手術會有偏差。」潮男變成大細臉，阿明無法接受，精神大受打擊，無心工作外，更不想見朋友，甚至不敢照鏡。

為改善「缺陷」，阿明曾向本港三、四名整形醫生查詢，要求進行修正手術，惟均被拒絕，「醫生話風險太大，唔肯做。」而一位口腔額臉外科專科醫生替阿明做CT（電腦斷層）掃描，發覺他上顎骨右移，所以進食時右邊牙肉都會受壓，產生痛楚。「醫生話呢個上顎骨係永久性傷害，冇得整番好！」

「係女仔一早自殺」

阿明計劃稍後到南韓接受修正手術，「兩邊臉完全唔平衡，我接受唔到。我諗如果我係女仔，一早去咗自殺！」他對當初整形的決定感到後悔，「係一個好慘痛嘅經歷，影響咗我下半生。」

香港整形外科專科醫生彭志宏表示，各地文化有差異，「好似有啲地區嘅人塊臉比較闊，佢哋可能慣咗會磨腮骨，但未必啱香港人。最緊要係跟番自己需要，同埋諗清楚係咪有需要整容。」