志偉睇好自己友嘉玲：盡量冇私心

影后劉嘉玲及曾志偉昨日於澳門出席《第55屆亞太影展》記者會，身為籌委會主席的志偉，睇好劉青雲與梁家輝稱帝，對於郭富城未能憑《寒戰》入圍，他說：「可能其他國家嘅評審冇睇過城城跳舞，睇過佢跳舞知佢由歌手轉型做實力演員，應會有加分！」
至於首度擔任評審的嘉玲，坦言擔心做得不夠好，被問到可有私心？她說：「盡量冇！好彩偉仔（老公梁朝偉）冇入圍！（志偉睇好青雲同家輝？）佢唔可以咁講！兩個都咁好，家輝嘅演出令我毛管戙，去咗另一個層次！」另外，她坦承偉仔仍為《一代宗師》補戲：「應該進入最後階段，個個都辛苦！偉仔亦冇怨言，佢同王家衛、張叔平三位一體，完成任務會好有滿足感！」