東京之旅- 庶民米芝蓮3星食店

藍月亮

我上年係日本買咗本庶民米芝蓮書, 都有介紹唔錯嘅壽司店.

所以今次就去試吓.得到3星嘅壽司店有3間. 2間係淺草. 一間係日本橋.

呢間極力推介：









我就去呢間係日本橋. 地址係:東京都中央区日本橋3-8-11







一出地鐵, 見到呢座賣家具嘅BUILDING, 就轉左.(唔使過去)







直行,行到尾, 就係高島屋. 跟住轉左.



再直行. 呢區係商業區, 同香港一樣, 都有人幫人擦鞋.



行到街尾, 右手邊有班馬線, 行過去.



直行就係. 都好易搵到.




吉野鮨本店已經開業超過一百年. 係一間壽司名店. 好多日本人嚟食.

(日本緊係多日本人嚟食啦.)




左邊個位先生, 就係SERVE我嘅壽司職人. 佢好好人.




有TABLE同BAR枱. 我緊係坐BAR枱啦. 可以近距離睇吓點整壽司.



嚟度D抺茶幾濃. 正.



坐BAR枱, 仲可以睇吓D材料新唔新鮮. 上面嘅八爪魚同鮑魚, 一睇就知好正啦.




貝類都唔錯喎.



D帶子大粒到......



TORO, 我唔算太好.

我下午嚟食. 佢地有SET. 平過晚上食好多. 不過MENU上, 雖然寫咗SET個名,

但係每一SET無寫有D乜. 師傅就粗略解釋我知. 而我點個SET有10件. (3,150YEN. )

開餐LU!



淨係睇D光澤, 就知好新鮮啦.



呢間雖然係壽司名店, 仲係庶民3星米芝蓮. 但係價錢同築地差唔多.



我平時唔食魚子都要食. 唔鯹喎. 食落卜卜聲又幾好味.



第一次食TORO咁好味. 好似食緊和牛, 入口即溶. 原來TORO咁好味架.

開始愛上了TORO.不過要靚嘅.



第10件係有3件嘅小卷.



呢件係師傅送比我食. 星鰻好好好......味呀呀呀!

(不過我唔擔保壽司師傅會唔會送架?)



呢件都係送, 佢地D蛋壽司都好特別. 唔同平時出便個D咁厚, 甜度啱啱好.

唔係得小朋友鍾意食蛋壽司. 我都開始鍾意啦.