沖繩水族館

藍月亮

以前看雜誌驚為天人的沖繩水族館，好想貼住個玻璃窗看鯊魚 ,...... 急不及待，把水族館安排在行程的第二天。由那霸坐 2 小時巴士到名護市，再坐 1 小時巴士，終於到達沖繩美麗海水族館 ( www.kaiyouhaku.com ) ，一落車，見不少人都是自駕遊來，可惜我們沒有車牌呢。
要去看鯊魚，還要走上 10 分鐘的路，沿途有不少「海洋動物大盆栽」，即係用花、草來堆成八爪魚、蟹的形狀。走入水族館內，由淺灘海洋動物開始介紹，可以徙手摸海星、海參，感覺好得意，之後仲有大大小小的魚缸介紹不同魚類，我同朋友極速 SCAN 過，就直踩去名為「黑潮之海」的大魚缸，那個世界三大魚缸之一，睇住幾條鯨鯊游來游去，都要跟日本人學句 sugoi ！！！呢個魚缸仲有好多魔鬼魚，佢地白雪雪個肚皮，好似哈哈笑面 o 甘。

逛完水族館內部，走出室外睇海豚。有條置有義尾的海豚，佢個故事仲拍成電影，是呢處的明星海豚。經過埋海龜館，大約 5 分鐘就可以行去海灘啦，呢個叫做翡翠海灘有 AA 級，個灘好清好乾淨，加上當日天色麻麻，唔算好多人游水。沖繩好多海灘又遠又要收錢，唯獨呢個，不收入灘費之餘，更衣室、太陽傘都好齊全，只是比較無癮是 D 救生員，我同朋友都不算游得好遠，已經被救生員勸阻啦。

其實是個好細的魚缸，入面迫滿左好多毛仔 !!!

呢個就是發夢都想去的黑潮之海，真的睇到人嘩嘩聲。

沒有藍天白雲，游水都有少少凍， BUT 唔洗錢，點都要浸下水啦。