熊黛林落樓下三點式暢泳

lwl2007

熊黛林昨日穿上開胸裙出席《FURLA 2011秋冬預展》時，自爆趁夏天到寓所樓下的露天泳池游水，還會穿比堅尼，問到為何不去郭富城的私家泳池，她說：「我啲女仔朋友都想嚟，去我屋企方便啲。（唔驚畀人影相？）嗰度冇咩人游，啲人唔會影相，我唔介意畀人見到我着比堅尼，但介意畀人影到同見報。（有冇同城城游水？）我多數同女仔游。」

此外，對於城城日前因車毀而退出賽事，她坦言有少許擔心：「賽車有一定危險，但佢技術好好。（陪佢練車？）如果坐隔籬，我會嘔！（坐城城車有冇嘔過？）唔記得喇！」談及o靚模寫真戰，她表示興趣不大，並透露早前到北京影月曆，Cool得來不失性感。
                                                                                                                                      
熊黛林不介意穿三點式游泳，但不想被拍照。