Evelyn報復轉溝Tom老友

lwl2007

模特兒蔡穎恩（Evelyn）被爆與Mr.成員Tom分手，更有指男方搭上其好姊妹「陽光妹」何思諺（Leanne），Evelyn出席活動時句句有骨寸爆「情敵」，並揚言不排除與Tom老友拍拖，實行大報復！

蔡穎恩（Evelyn）、陳嘉寶（Anjaylia）及陳嘉桓等前晚出席《人約離婚後》慰勞宴，寸嘴何佩瑜（Jeana）缺席，令被爆與樂隊Mr.成員Tom（杜志烜）分手的Evelyn搶盡風頭，搞到佘詩曼及羅仲謙主角變「配角」！

獲好姊妹Anjaylia「傍實」受訪的Evelyn，直認與Tom因了解而分開：「分開咗幾個月，但一直係好朋友！」對於有傳Tom搭上好姊妹Leanne，Evelyn句句有骨地說：「呢啲係人哋私事，知都唔講啦！更何況我唔知！（影響姊妹情？）不如你問吓會唔會影響我同Tom嘅感情！（接受佢哋一齊？）佢同邊個拍拖都OK，又或者我第日同Tom嘅好朋友一齊呢！」問到是否鮮與Leanne見面？她語帶雙關地說：「我忙到屋企人都少見，希望見啲『想見』嘅朋友！」談到與本地插畫家小克及台模的緋聞，她澄清：「我冇拍拖，再係咁寫就冇人追！」她強調與小克純屬兄妹情，加上對方已婚及年紀大，絕不可能發展，而台模則是公司新人。

Leanne險遭射殺

另一邊廂，Leanne與歌手文恩澄早前為電台拍攝紀錄片，Leanne自爆當時冒嚴寒由黑龍江結冰的江面上徒步跨越兩國邊界，更險被俄國士兵射殺，未知有否嚇親「新歡」Tom？

                                                                                                                                           
Evelyn口口聲聲話唔知情，卻句句寸爆何思諺。


                                                                                                              
Evelyn承認與Tom分手幾個月。


                                                                                                              
何思諺為電台拍攝紀錄片時遇險。


                                                                                                              
Evelyn（右）接受訪問時，由Anjaylia傍實。