婷婷等通知 賀Lucas生日

lwl2007

鋒芝婚變，一對寶貝仔Lucas及Quintus的撫養權成為焦點，身為姑姐的謝婷婷揚言想跟下月生日的Lucas慶祝：「見到佢一定攬到佢好實！」

謝婷婷前晚以性感打扮出席Swarovski推出首個Hello Kitty系列發布酒會，同場還有陳嘉桓、木村乃、何紫綸、陳嘉寶及蔡穎恩等，而莊思敏及Alice B.則擔任模特兒。

對於張栢芝的化妝師好友Rick Chin表示，栢芝將於下月2日慶祝Lucas生日，更會邀請謝賢及狄波拉出席，婷婷表示暫時未收到消息：「我好耐冇見過Lucas！上年我要拍戲所以冇喺正日慶祝，我同爹哋媽咪一齊補祝番！如果下月2號唔可以一齊過就惟有補祝。（拉姑收到電話未？）我哋都等緊消息。我好想同Lucas慶祝生日！我真係好掛住Lucas！已經兩、三個月冇見佢，見到佢一定攬到佢好實！不過會忍住唔喊，因為Lucas成日笑！」她指早已買定玩具槍作為Lucas的生日禮物，又笑言要恐嚇哥哥讓她跟Lucas見面，她指哥哥近日的心情已比之前輕鬆。

何紫綸請栢芝寫序

同場的何紫綸透露，十月會為香港乳癌基金推出慈善相集，更邀得栢芝寫序：「栢芝對慈善嘅嘢好支持。（佢同Lucas慶祝生日？）一定會！栢芝最近開始學畫畫，我想佢幫我畫啲畫喺相集度。」
                                                                                                                                          
婷婷非常想念姪仔Lucas：「見到佢一定攬到佢好實！」


                                                                                                              
陳嘉桓身穿波點露肩短裙出席活動。


                                                                                                              
日模木村乃自言消瘦不少，但上圍仍然豐滿。


                                                                                                              
何紫綸指慈善相集仍在初步構思階段。