JC喊晒口 認初戀拍淫片

lwl2007

混血女模Jessica C.驚爆淫片風波，轟動全城。繼日前向本報獨家剖白後，她昨日終坦認初戀時曾由男友操刀拍類似淫片。身在台灣的她又自拍短片公開解釋，期間三度哽咽兼要停機冷靜！

憑34C「警鐘胸」在模界火速竄紅的混血女模Jessica C.，繼日前涉櫃員機盜竊後，又驚爆疑似淫照及淫片，掀起全城熱話。連番受重創、身在台灣的JC日前接受本報獨家專訪，真情剖白內心激動及難過後，昨日在酒店自拍英語短片回應事件，短片分別長達6分14秒及1分20秒。片中的JC身穿吊帶背心露出事業線，化淡妝及戴鴨嘴帽，身後床鋪仍未執拾，看來她剛剛睡醒。當提及家人、朋友及被出賣時一度激動，她緊握拳頭還三度哽咽，甚至一度停機。

「真想不到如此糟」

其中一段短片，JC繼續炮轟「有心人」賣片一事：「想不到竟有人向我做出傷心的事情，真的想不到如此糟，想毀掉我、打擊我，實在難以明白……來港發展感到很幸運，廣告客戶、傳媒及Fans支持，我把它化成工作原動力，無論當演員或模特兒，也不是單為了金錢名利。」隨後，JC提到兩名妹妹便開始哽咽：「我未有好好照顧兩個妹妹，所以想好好工作給她們最好……」她揚言會堅強下去及專注工作，希望盡力做個好榜樣。最後一段短片完成後，她看來放下心頭大石，以甜甜的飛吻作結。


寄情工作不追究

其後，記者向JC經理人Christine查詢，對方透過短訊表示已向JC了解：「JC承認多年前曾經同初戀男友發生同近日疑似淫片嘅行為，當時年輕又只顧浪漫嘅JC冇諗咁多後果。因為事隔多年，佢冇正式睇過有關片段，對嗰條片冇任何印象，即使相中人同佢相似，佢亦好難100%肯定係本人。如果有人索價賣相，JC希望出賣佢嘅人唔係佢認識嘅朋友，更唔希望係初戀情人。」

Christine又強調JC來港發展兩年，經歷很多已成熟不少，與Sergio分手後更令她明白離離合合是人生必經階段：「JC只希望寄情工作，今次係佢最後一次為呢件事回應，唔會再喺其他場合作出回應，希望大家明白同諒解。」她還透露JC不會就淫片事件追究及報警。

                                                                                                                                             
Jessica C.自拍兩段短片解釋事件，再炮轟有人想藉淫片打擊她的事業。


                                                                                                              
低頭哽咽
"I'm just really heartbroken. I just can't believe somebody trying to ruin my life, and put me down or bring me down for money."（我真的心碎，我唔能夠明白，有人為了金錢去毀滅我、整低我。）


                                                                                                              
抿嘴忍淚
"I have 2 younger sisters……I feel bad I can't be there for them like physically as a sisters but mentally to be a good role model."（雖然我是姊姊，但不能成為兩妹的模範，這令我很不開心。）


                                                                                                              
風騷飛吻
"I can't let people who get me down put me down because they don't mean anything to me."（我是不會被人打低的，因為他們對我而言不代表任何東西。）

lwl2007

闖荷里活要有自尊 Jessica C.：唔會同人瞓！

我細細個已經好鍾意演戲，會喺屋企同兩個妹妹玩角色扮演，就好似做戲咁，每一次都玩得好投入。對我嚟講，演戲唔只係一份工作，仲係我嘅興趣。因為覺得演戲好有趣，而且係一個學習過程，會學到好多新事物，透過演繹一個角色，揣摩角色性格，表達唔同情感，令我可以更深層咁去認識自己。我希望我嘅屋企人可以喺美國睇到我嘅演出，我想佢哋以我為榮，唔想令佢哋失望。

積極進修圓夢

我唔係成長喺一個好富裕嘅家庭，媽咪以前為咗送我入模特兒學校訓練，花咗好多錢，所以我好多謝屋企人對我嘅付出同支持。我嘅目標好明確，會堅持自己嘅夢想，如果唔踏出第一步去爭取，永遠都唔會得到想要嘅嘢。我知去荷里活發展一啲都唔易，但係我會盡力去做。


今次去美國同上一次過去最大嘅分別係，之前嗰次係「我想做啲咩……」，而今次就係「我將會做啲咩……」，我比之前更加認真，方向亦更加清晰，唔再係想同計劃嘅階段，而係真真正正去實行。我依家喺美國修讀緊一啲演戲嘅課程，想學好多嘢，令自己不斷進步。

我喺嗰邊有試鏡，有電視節目，好似真人騷，亦都有獨立電影。無論演咩角色，都一定要識得抽離，分清楚演戲同真實，如果唔係就會迷失。除咗上堂學演戲，我仲睇咗好多書，學習點培養同表達唔同嘅情緒。


我希望有一日可以演出一部感動人心嘅電影，傳達一啲正面嘅訊息畀人。我知道喺達到目標前要行嘅路好長，我唔介意辛苦亦唔介意酬勞多少，會一步一步嚟，為自己嘅理想努力。我都聽過有啲女仔會為咗換取工作機會而同人應酬甚至同人瞓，但我自己絕對唔會咁做。我唔會走捷徑，做一啲違背自己原則嘅事，唔會同人瞓嚟換取演出機會，我要有自尊。好彩我未遇過有人向我明示或暗示有呢個要求，如果有我實會一口拒絕佢。我想成為更好嘅自己，做自己想做嘅嘢，希望可以鼓勵到其他人，要相信自己做得到。