點解勤力刷牙都口臭？

藍藍

日刷夜刷，已經好勤力刷牙，但點解仲係有口臭？咁可能係你個鼻出現問題──「鼻涕倒流」！

鼻涕倒流積聚喺舌根（即舌頭後方），導致口腔會產生異味嘅細菌滋長。服用含「抗組織胺劑」嘅藥物，就可以停止鼻涕倒流嘅現象，防止產生異味。

如果口臭仍然「陰魂不散」，就可能係因為積藏喺口腔內嘅食物殘餘產生大量細菌！每次食完飯之後，最好用牙線、漱口水同舌刷嚟清潔舌苔同口腔喇！