Cammi開P險遭性侵

王腳立

嫩口o靚模Cammi及「翻版Baby」Elise化身魔鬼女僕慶祝萬聖節，大玩「可愛X驚嚇」，更興起作狀咬假腳！緋聞多多的Cammi自爆前年扮蜘蛛精開P時險遭「硬上弓」！
不少人都愛趁萬聖節以奇裝異服玩餐飽，未滿18歲的Cammi（謝芷蕙）及Elise（陶嘉瑩）一樣愛「扮嘢」！日前她們變身魔鬼女僕，大晒香肩及長腿引宅男，在恐怖裝飾前擺出「嚇人」甫士，童心未泯的她們見到血腥假腳即扮「比劍」，又作狀張口大咬，鏡頭前十分投入，但Cammi卻多次忍不住笑，驚嚇感頓時大減！
推開大嗌No
入行後一直緋聞纏身的Cammi，異性緣爆燈，她自爆前年到朋友家開萬聖P時被餓狼睇中，醉後遭狼爪而差點失身，認真牙煙！她回想當時扮蜘蛛精出席，因為是首次飲酒，兩杯到肚即感到不適，其後到朋友房睡覺，但朦朧間發現有男生壓在她身上，嚇得她彈起：「佢想錫我，我驚到即刻推開佢大嗌No！其他朋友聽到就嚟拉開咗佢，先至冇出事！」
扮鬼嚇親細路
Cammi奉勸各位女生節日要小心，避免在陌生地方飲醉：「如果真係要飲酒，附近一定要有信得過嘅朋友！」不過，她自認一班朋友玩得甚癲，試過有女友人醉後除剩內衣向朋友射水，在場的Cammi卻只懂笑埋一份，看來她受過教訓後仍未知驚！

至於Elise近年愛上玩主題鬼屋，問到是否大膽之人？她說：「以前去鬼屋都好驚，不過愈玩愈大膽，仲會主動拉啲『鬼』出嚟，作狀打佢哋！」喜歡Cosplay的她記得前年化上血妝遊街，返家時見到鄰家小朋友，一片好心上前打招呼，怎料嚇到對方狂喊，令她啼笑皆非！
影視組

Cammi（左）與Elise抱着假腳玩餐飽，驚嚇不足，搞笑有餘！

Cammi瞇眼嘟嘴竟有點似徐子珊，呢個算唔算鬼古呢？

Cammi（左）與Elise趁萬聖節扮嘢，狀甚投入。

Cammi（左）忍笑扮驚嚇，相信Elise都忍得好辛苦。


Elise自爆扮鬼嚇喊細路，最好小心揀「嚇」啦！