拿玻里斬「馬」入決賽 老馬high爆‏

chan200308

拿玻里於意大利盃4強次回合，主場3:0大勝羅馬，就連看台上睇波的球王馬勒當拿亦看得興奮不已。

意大利時間周三上演意大利盃次回合賽事，由拿玻里主場對羅馬，首回合羅馬主場領先3:2，取得兩個重要作客入球，因此今仗回到主場以強陣應戰，希古恩、咸錫和恩拿等悉數上陣；羅馬方面則有中場巴斯圖斯首度正選上陣，前線由近期腳風甚順的謝雲奴，配合迪斯度攻堅。

32分鐘馬治奧右路傳中，荷西卡利祖近門頭槌破門，半場領先1:0。下半場開賽3分鐘，希古恩接應角球力壓對手頂成2:0，總比數當時已反超前4:3，就連近日傳出前女友懷有其骨肉、特意前往觀賽的球王馬勒當拿（Diego Armando Maradona），看見同胞入波後都在觀眾席上舉起雙方慶祝。加上佐真奴費路51分鐘的入球，以及羅馬中場史杜特文79分鐘「兩黃一紅」被逐後，拿玻里最終主場大勝3:0，以總比數5:3晉級，決賽對手將會是費倫天拿。