高海寧胸談養家

lwl2007

這個拜金年代，究竟要Chok才有錢，還是有錢才會Chok？前者靠Chok胸賺錢養家，後者有名利才愈來愈Chok！

o靚模傳整容隆胸，為的是要爭出位，港姐出身的高海寧（高Ling）雖然同樣要賣弄身材，但明顯高檔得多，還成功揮低「肉模」做「動漫女神」！高Ling笑言多得父母優良遺傳：「我個鼻又直又高，細個已經係咁樣，同媽咪一個餅印，唔擔心畀人話整容。至於身材，以前唔覺自己身材好，讀書時男女分開上體育課，女仔唔會刻意講身材，入行後先被人讚。」

入行冇人追

高Ling憑34D巨胸成功登上「咪神」寶座，還逐漸拋離同是谷胸上位的呂慧儀。不過，她表示二人沒有因此存心病，還替對方說好話：「大家喜歡將我哋比較，但冇嘢，佢見我都叫我『阿妹』，佢最近肥咗，可能因為拍飲食節目，肥都好正常。」

好多人話娛樂圈表面風光，高Ling密密搵真銀，仍未有能力養起一頭家，其父更涉賣假貨被拘捕，一家人被迫由何文田「降呢」搬返旺角，難道結識富豪是唯一脫貧方法？以往高Ling曾傳與旅行社少東Andy拍拖，又傳被廖碧兒過氣緋聞男友林忠豪追求，對此她一概否認：「之前夠傳我出席富豪飯局，如果有，實畀人影到！我敢發誓入行後真係未有人追過我！可能桃花唔夠旺啦！」她自言並非拜金族，從不貪慕名牌，所穿的衫、孭的袋大多是贊助商贊助，還笑言並非大家想像般We Wet：「我都知我似……但其實我好乖，除咗拍嘢之外，未去過蘭桂坊玩，家教好嚴。」

唔恨嫁富豪

入行後，高Ling與陳倩揚最Friend：「佢有學識、人品又好，我有時諗嘢都會鑽牛角尖，好彩佢好照顧我呢個妹妹，有咩心事都可以同佢傾，我好珍惜呢位朋友！」想不到她的揀偶條件亦跟好姊妹陳倩揚一樣，只求一個愛錫自己的男人，她說：「揀男友唔係用錢嚟衡量，即使好似啲富豪咁有錢，但都唔會使得晒o架！好似倩揚老公唔係咩富二代，都要工作，但就好錫佢，而我亦只要求男方畀到基本生活，養得起我同屋企人已經足夠，蘇民峰師傅話我將來個老公唔係好有錢，但非常非常之錫我，我已經好滿足。」

星途大翻身好多o靚模為入娛樂圈甚麼都試，高Ling曾被踢爆做Model時影過半裸相，難免有人會戴有色眼鏡看她！高Ling說：「當時真係畀人呃！但我入咗無綫之後好努力咁建立形象，最開心係見到網上有人留言話睇完我主持嘅飲食節目後對我改觀，希望用時間讓大家重新認識我，知道我唔係一個咁隨便嘅人！」

                                                                                                                                             
高海寧密密搵銀，只希望能照顧一家人的生活！


                                                                                                              
高海寧多得媽咪優良遺傳，高鼻兼上圍豐滿，真材實料，不怕被質疑！


                                                                                                              
高海寧


                                                                                                              
34D的高海寧，一出道已經「峰」芒畢露！


                                                                                                              
高海寧是個乖乖女，從不揮霍夜蒲。