Jeana寸爆DaDa Carol變形

lwl2007

寫真戰尚未埋牙，坐擁33C上圍的「嫩版范冰冰」何佩瑜（Jeana）已掃低「百果園咪神」陳靜（DaDa）和「浸大E神」楊梓瑤（Carol），成為線上遊戲代言人，被指全身大裝修的Jeana更有口話人，潤爆DaDa和Carol是變形金剛，模口水戰一觸即發！

身為周秀娜師妹的Jeana，今年單飛加入寫真戰，寫真尚未推出，已四圍辣火頭，除豪言寫真戰Sure Win外，更連師姐周秀娜也不放過，冇大冇細指師姐已經過氣。然而氣燄極盛的Jeana，最近更揮低DaDa及Carol，成為gameone代言人，憑「血管胸」在寫真戰前夕先贏一仗。

戰衣少娜姐30%布

據知，出道只有兩年的Jeana，代言酬金已直逼周秀娜，達模頂級的七位數字，雖然突然成為小富婆，但把口依然唔收，她接受電話訪問時表示，今次會大玩Cosplay誘惑，實行引死宅男：「唔單止宅男，宅佬、宅女都會覺得我靚，件Cosplay戰衣會畀師姐（周秀娜）嗰啲少布30%，露多兩吋都冇問題！」

對於掃低同為去年代言人的DaDa和Carol，同時被指曾整容及僭建巨胸的Jeana似有所指，暗寸二人：「對手只係變形金剛，同我今次個戰姬造型真係冇得揮，唔知係咪天氣太熱，依家真係心都涼晒！」她更坦言先贏一仗，為寫真戰打下了強心針：「做人永遠要對自己有信心，如果唔係條路好難行落去，今次我Cosplay造型係戰姬，係全新2011型號，對手已經過氣喇！我絕對係進化版！」

不會對號入座

被Jeana出口術辣埋身，DaDa未知是否心有不甘，反寸Jeana只是新人，不足為患，她在電話中說：「今年新人佢都算突出，就好似我舊年做新人咁，我諗佢同我師妹Monna同Iris都有力一鬥，但我舊年做Online遊戲代言人同時，亦都有做埋內地代言人，唔知佢（指Jeana）有冇呢？」

而Carol卻十分厚道，只說：「冇回應喇！我唔會對號入座，亦都唔係變形金剛囉！」

此外，對於黃榕為谷寫真近日頻頻出招，DaDa昨日出席活動時表示，大家的宣傳手法不同，並不會藉緋聞上位：「我寧願自己性感啲，會令自己舒服啲，對得住自己，亦對得住其他人。」

何佩瑜（Jeana）綽號：嫩版范冰冰

年齡：22歲

身高：172cm

三圍：33C、24、34

陳靜（Da Da）綽號：百果園咪神

年齡：22歲

身高：167cm

三圍：33D、24、34

楊梓瑤（Carol）綽號：浸大E神

年齡：22歲

身高：163cm

三圍：34E、24、34

                                                                                                                                            
坐擁33C上圍的「嫩版范冰冰」Jeana，寫真未出已四圍辣着火頭。


                                                                                                                
Jeana今次寫真胸前偉大。


                                                                                                                
Jeana以戰姬造型，成為gameone代言人。