拉姑氣餒赴泰為Lucas祈福

lwl2007

謝霆鋒及張栢芝的大仔Lucas（謝振軒）今日4歲生日！栢芝特地為囝囝在家搞盛大派對，日前有傳謝賢及狄波拉皆獲邀為座上客，但拉姑昨日澄清從來冇接通知，惟有黯然赴泰為孫仔祈福，當作給他生日禮物！

鋒芝一直視兩個囝囝如珠如寶，今日大仔Lucas 4歲生日，栢芝悉心為他搞派對慶牛一，由於工程浩大，她更請來幾位外援幫手！這班外援兵團包括栢芝媽、栢芝弟弟張豪龍及栢芝好友化妝師Rick Chin，他們昨午4時開始陸續抵達陽明山莊，栢芝媽更逗留4個多小時才離去。據知，霆鋒今日亦會抽空出席。

「唔知將來有冇機會」

自婚變以來，栢芝跟拉姑鮮有機會面對面會談，閒時為栢芝充當「湊仔公」的Rick Chin早前現身活動時公開表示，栢芝會邀請謝賢及拉姑參加生日會，不過，昨日拉姑接受電話訪問時，無奈表示從未接獲邀請：「唉，我真係唔知！（傳聞話會邀請你？）呢個係出邊嘅講法，到目前為止，都冇人邀請我出席！」

一早打定輸數的她，昨日已飛抵泰國，默默為乖孫祈福：「我想上炷香、還個神，為Lucas祈福，希望佢生活快樂、身體健康、開心成長！我依家能夠做嘅就只得呢樣嘢，呢個已經係我最大心願！」她又慨嘆未知將來仍有否機會再為孫仔慶生日：「可能要過幾年，或者等佢長大，唔知呀！我年紀都大，唔知將來仲有冇機會！」她認為Lucas有父母陪過生日已經很美滿，自己以祈福作為給乖孫最好的生日禮物，曾往泰國檢查身體的她表示有睇醫生，但沒有透露病情。

謝賢提起不耐煩

另一邊廂，謝賢被問到Lucas生日會一事時，於電話中不耐煩地說：「一個細路嘅生日係我哋嘅家事！（準備咗咩禮物？）你想知乜嘢呀？冇喇！」至於栢芝父親「鬍鬚勇」昨晨11時半現身沙田圍醫肚，未知會否出席外孫生日會。

                                                                                                                                             
霆鋒離開寓所時木無表情，心情麻麻！


                                                                                                              
謝賢與拉姑身為爺爺嫲嫲，可惜一樣未獲邀請開P。


                                                                                                              
栢芝父親鬍鬚勇昨日外出，未知會否為外孫賀生日？


                                                                                                              
婷婷雖然買定禮物，可惜仍未有機會見Lucas。


                                                                                                              
張栢文昨晚亦有駕車現身。


                                                                                                              
忙完一輪，張豪龍駕車送葉佩雯離開。


                                                                                                              
栢芝媽（左）駕車到陽明山莊，車內有不少氣球，相信是用來布置派對。