奧蘭多 ~ 無敵小島&歡送派對

藍月亮

早上九時便起床，爬出露台看到一片翠綠小島，原來郵輪已駛至Castaway Cay。今日天很藍，海天一色，令人感動！



Castaway Cay是迪士尼買下了的小島，只供郵輪Disney Wonder和Disney Magic的遊客上岸遊玩。島上有三個沙灘，一個小童專用、一個家庭用、一個成人專用。



一落船就有聖誕樹迎接我們，哈哈！





島上有間郵局可寄postcard，Chip n Dale早就在門口恭候大家。



Castaway Cay暫時只得小部份已開發，其餘地區是樹林區，南面是小童和家庭用灘，最左邊的沙灘就是只供成年人用的沙灘Serenity Bay，地點較遠，有專車接送。



專車由碼頭起便有站，我們首先去家庭灘，搭車行路悉隨專便，我們當然用腳行啦，順路欣賞一下風景。



途中有接載卡通人物的車子駛過，打過招呼先！









沙灘劃了一區給導覽團，水中黑色游來游去的是魔鬼魚，可以親手觸摸的啊。



島上設施齊備，沙灘傘和椅隨你任用，但大水泡和各種水上活動則需付費。我只想游水，穿條泳褲就可以。



這個海域完全沒有浪，海水平靜到像湖水；而地上的沙好奇怪，在猛烈的陽光下竟然是冷的，甚至有點冰冷，我懷疑迪士尼在地底做了手腳，或用流水系統保持沙灘溫度，免得遊客燙腳。



游了一陣水唔捨得走，但好想參觀小島其他地方。

島上有三間禮品店，睇下有乜賣先！



米奇悠閒地在沙灘曬太陽，我怎能不據為己有！









呢張postcard好好笑！



有兩間餐廳供應燒烤自助餐，遠遠已聞到香味，流晒口水！

當然是免費任食，不要看漢堡扒、燒牛骨、燒雞黑媽媽，實則好味到極，超甜粟米更是超超超甜。



熱狗呢，唔想吃包包可以只夾腸仔。



迪士尼郵輪永遠有驚喜，薯片任取真的第一次見，拿幾包上船慢慢吃都得；生果不是一盤盤，是一檯檯，這裡簡直是人間天堂！



還有飲品、軟雪糕供應，我吃飽之後還一手拿著可樂，一手拿著雪糕四圍行。

然後乘搭專車進入Serenity Bay，看看為甚麼要劃為成人區。

Serenity Bay同樣水清沙幼，但水中較多細石和青苔，可能怕割傷小朋友吧。

而這個灘較淺水，行到很遠依然未浸過腰，適宜曬太陽多過游水。



沙灘好靚，若要跟MIami Beach相比∼好難揀，可唔可以兩個都擁有？









郵輪規定遊客五點前要返回船上，因為黃昏前要起航，所以縱使幾唔捨得都要離開。唯有！下次再來囉！



上船前有職員派熱毛巾，使唔使咁體貼！



只玩大半天實在不夠，若果可以在島上住一晚你說多好，我還想游水啊。