當年今日66年12月2日，時光之旅開始進入緊張階段

simo

筆者以時光重回四十多年前十二月，進入旅程是不能涉漏天機改变歷史的，因此要把一切現在東西包括手機都不得曝光，否則便返回今天……今早去營地街遠來茶樓飲茶八料，坐低搭抬，已聽到好多人議論紛紛講澳督府之事，同枱有茶客甲同筆者我講：你阿媽，聽曰我都去鬧吓班西洋鬼！   筆者：小心呀！   甲：你阿媽！驚咩呀，最多同佢地死過！     筆者：真係會死人㗎！      甲：你都忽忽哋(當年流行語，即傻解)  ！    筆者：真㗎，仲會有死傷㗎！      甲：車，你驚就唔好去咯！聽講銀業教師顯富都話去！     筆者：唔好呀！佢會俾人推落樓受傷㗎！      甲：哈哈哈！佢咁大件都會！你都冇解嘅(流行語，即冇理由)！      筆者(忍住情緒)：佢係我敬重嘅老師當然唔想佢受傷啦！不過佢最後會平安嘅！     甲：重有好多教師學生都話去呀！      筆者一時冲出口話：唔好去呀！聽日會炒大鑊㗎！   …… 茶樓待應就楂住壺水埋黎話：乜乜大鑊？厨房個大鑊都話去！   筆者越聽越驚冲口而出話：真係唔好呀！聽日澳葡會進行大屠殺㗎！！！…………結果一連串鬧我說話：呢條友痴孖根！十三點(又係當年俗語，即傻嘅),冇胆匪類，痴九線……最後两人即彈開，茶客甲冲冲找數走人，剩番筆者呢個“㣭仔“繼續旅程……

咱是陳小肥

你都忽忽哋 ... ... ... 係唔係講: 你都喪 ge 貼近 d 當時情況

simo

你都忽忽哋 ... ... ... 係唔係講: 你都喪 ge 貼近 d 當時情況
咱是陳小肥 發表於 2012-12-2 13:20

都係嘅，昔日好多口頭語，今天80後人都唔講嘅，你諗唔諗到其它一些。

simo

今天2號，澳督府繼續有工會社團及師生在抗議及讀毛語錄，而外面又越來越多人群聚集，有消息話如澳葡不答應五項要求，行動會升級……

simo

禽日咪話去澳督府觀禮，去到見到人群舉起本紅書仔叫口號， 有個人見我冇寶書，就話：”點解你冇紅寶書呀？”我都未解釋就塞本俾我…… 嗱，睇吓，呢本就係當時去抗議嘅民眾高舉嘅红寶書，收藏左幾拾年都算新淨，我當佢係“寶“㗎！

simo

simo

simo

l

澳門人士

難得仲保養得咁好

文盲

回復 8# simo


    寶書??咁咪仲犀利過九陽神功??

simo

回復  simo


    寶書??咁咪仲犀利過九陽神功??
文盲 發表於 2012-12-2 16:57

係唔係犀利過九陽神功就唔知，總知個個愛國人士都話係寶書嘅。

咱是陳小肥

都係嘅，昔日好多口頭語，今天80後人都唔講嘅，你諗唔諗到其它一些。
simo 發表於 2012-12-2 14:33

或者: 你都 "on" ge ... ... ... (應該近 70s 用詞 ... 戇居, 戇居居 ... 然後就 戇 nine, 戇實nine; 跟住就到老土出現勒)

或者: 你都顛 ge ... (應該 70s 前用詞 ... 當年係叫 "顛狂院")

或者: 你都 "lock" ge ... ("lock" 應該係澳門街當年標準用詞)

咱是陳小肥

60s 年代, 有個鉈鐵 ge , 日日要飲兩大囔口盅咖啡, 就係叫做阿 "lock".

simo

或者: 你都 "on" ge ... ... ... (應該近 70s 用詞 ... 戇居, 戇居居 ... 然後就 戇 nine, 戇實nine; 跟 ...
咱是陳小肥 發表於 2012-12-2 18:41

好！六七十年代仲有一句，依家完全冇人講，話人din嘅，就話“入青山啦“

simo

學生及教師繼續在澳督府内抗議

simo

婦聯繼續有代表在督府內朗讀毛語錄

richardbilliham

婦聯繼續有代表在督府內朗讀毛語錄
simo 發表於 2012-12-2 21:05

simo兄台或者其他壇友，你地知唔知圖中最右邊那位女仕(紅圈內)是誰呀？

simo

simo兄台或者其他壇友，你地知唔知圖中最右邊那位女仕(紅圈內)是誰呀？
richardbilliham 發表於 2012-12-2 22:43

李察兄，等我亂撞，係咪區天香？因知她有去，明日會受傷。

simo

回復 17# richardbilliham
李察兄，請教，知否上圖這班師生，從校服判斷，是那所學校？我知有四間左校去。

richardbilliham

李察兄，等我亂撞，係咪區天香？因知她有去，明日會受傷。
simo 發表於 2012-12-2 23:15

果班唔係老師嚟架，你睇佢地果個樣同埋衣着就知喇，佢地係婦聯班師奶兵團，我圈左果位係非等閒人嚟架…