DaDa升「胸」衝擊金馬獎

王腳立

「百果園咪神」陳靜（DaDa）昨日以羅剎女造型，在銅鑼灣街頭大跳近期熱爆全球、韓國歌手Psy的《江南Style》宣傳萬聖節活動，吸引大批途人圍觀。DaDa指是首次在銅鑼灣鬧巿跳舞：「氣氛好，我行過嚟嗰時，沿途好多人見到我都好熱情好開心。（係咪吸引咗好多「麻甩佬」？）我冇留意。」她又謂今年萬聖節會扮艷鬼嚇人：「我想扮紙紮公仔，塊面紅卜卜嗰啲，今年想玩盡啲，要性感嘅。（紙紮公仔唔性感喎！）紙紮公仔着唐裝，我覺得旗袍都幾靚。（你可以着肚兜？）睇吓到時凍唔凍。」
談到提名今屆金馬獎最佳女配角，DaDa預告會性感赴會：「唔知可以點性感法，交畀Styling，但幾大都要激啲，我可能會增肥，因為個胸都係脂肪嚟，一肥就會大。（想升到咩Cup？）我想提升個胸形，想胸部再集中啲，着衫靚啲，但唔想太誇張。」



DaDa跳《江南Style》，吸引不少途人圍觀。