撐栢芝愛講反話 婷婷唔識擔心霆鋒

王腳立

狄波拉（拉姑）前晚大搞生日派對，與好友狂歡切蛋糕慶祝至深夜12時許，拉姑更親自歡送賓客。譚詠麟（阿倫）及李克勤一同離開，阿倫說：「我冇唱歌畀佢（拉姑）聽，佢成晚表現感動。（慰問患癌嘅霆鋒？）睇電視先知，冇刻意傾，但有同佢講『成年人冇嘢嘅』。」拉姑更與兒子謝霆鋒、謝婷婷及安志杰合照，並稱朋友是其支柱，子女成長不少、很愛錫她，令她感動！
而婷婷前晚表示霆鋒患皮膚癌動手術，她之前全不知情：「哥哥同Andy（安志杰）傾偈先知，當時知道都唔識擔心，因為講得太隨意。（驚有家族遺傳？）家族都好健康，嫲嫲有成100歲。（做定期檢查？）我有做，而我身上都有好多癦，除非變大先會再去檢查，但可能係我鍾意曬太陽。哥哥髮後空咗一撻，媽咪買咗嘢畀佢搽，係令佢生番啲頭髮。」對於栢芝指「衰人冇咁快死」？婷婷稱毋須太在意這說話，因其父也經常講反話！另外，栢芝細佬柏文昨日到灣仔為其投資的日本餐廳開張揭幕。對於霆鋒患癌，他不願多談：「講番公司嘢呀！（打電話畀佢？）佢冇事就OK，相信已有好多人打畀佢。」


婷婷表示事前不知道哥哥動手術。