泳兒換衫忘拉窗簾

lwl2007

泳兒昨日出席電台活動遲大到，她解釋事前要出席另一活動，時間太緊迫，就連換衫都要在保母車中進行，問到是否習慣在車內更衣？她說：「都慣喇！不過有次真係幾大頭蝦，未拉車窗簾就除衫，好彩除到一半時，助手即叫停我，嚇到我大叫。」她還自爆試過因太趕搞到「缽仔糕」移位：「有時太趕黐唔切膠紙，好彩去廁所發現『缽仔糕』跌咗落腰，如果行行吓跌落地都唔知點算，我會扮唔係我嘅，都唔會執。」她透露稍後會到廣州為當地的模特兒比賽獻唱及拍攝MV，為免出現「凹凸」效果，特別選了七吋高踭鞋迎戰高挑女模。
                                                                                                                                         
泳兒工作密麻麻，連踩幾場活動。