香香諸葛搭膊Friend晒

王腳立

「薛王妃」諸葛紫岐早前出席活動時，無辜被指為博搶鏡，向同場的岑麗香批月爭。前晚二人再碰面，搭膊及拖手合照，以行動證明沒因「批月爭」而尷尬。
岑麗香（香香）與諸葛紫岐（Marie）前晚出席時裝品牌Hackett London銅鑼灣旗艦店開幕禮，除張智霖擔任剪綵嘉賓外，同場還有梁安琪、王敏德與馬詩慧、林德信、Jocelyn與Anthony等。Marie與老公薛嘉麟恩愛到場，談到早前被指因妒忌香香而向對方批，Marie與香香以行動證明沒有不和及尷尬，搭膊及拖手合照，相當友善。Marie說：「呢件事太好笑，今日好開心見到面，費事再誤會。（話你妒忌佢？）冇啦！點會？我好鍾意佢，佢好Sweet，又鍾意睇佢做戲！」問到努力造人有否好消息，她即詐嬌說：「未啊，如果有一定話畀大家知，你哋問老公啦！」
處女話題敏感
另一邊廂，香香亦澄清批事件：「我都有聽聞，但嗰日我完全Feel唔到，所以今日見到面都想講，交代番件事，唔想有誤會，最緊要唔想佢誤會我真係覺得佢批我，我哋大家溫哥華人傾偈好舒服！」提到近期的「處女」熱話，香香更被指為TVB四大處女之一，她聞言即時變得尷尬，指話題太敏感，令人不舒服：「處女係好私人嘅嘢，就算同女性朋友都唔會講，所以呢個問題唔答。（唔答令人覺得你唔係處女？）我覺得性同處女呢個話題好個人，我唔會問朋友，相信朋友都會尊重我，總之我同主知道咪得囉！唔使理人信唔信。」

此外，林子祥兒子林德信與王秀琳傳緋聞，他否認戀情，問到若女方向他表白會如何處理？他說：「唔知道，我哋識咗兩年，但唔係拍拖。」
名人組

Marie（左）搭香香膊頭，以行動證明沒有不和。

香香（右）與Marie拖手合照，Friend過打Band。

Marie與老公薛嘉麟同行，即變得小鳥依人。

林德信否認與王秀琳拍拖。


品牌香港中國代理陳正欣（左一）、張智霖（左三）及品牌始創人及主席Mr.Jeremy Hackett（左四）欣賞醒獅。