鍾嘉欣吳尊“兄妹相認”

小魔女

鍾嘉欣與吳尊十足失散孖生兄妹（Tungstar）
    鍾嘉欣吳尊“兄妹相認”
    被指像“餅印”一樣的鍾嘉欣和吳尊，昨日終首度“相認”，齊齊出席某國際品牌活動。說起跟嘉欣樣貌相似，他也覺得感覺有點神似，之前林峰、鄭伊健曾提及過，今次才能夠見到真人。吳尊直言不介意跟嘉欣飾演兄妹，但若要合唱就要等一段時間，事關最近都主力於拍戲，不過若合唱戲中主題曲都不錯。
    兩人雖然樣貌一樣，但吸引程度就似乎是嘉欣暫勝一仗，獲十數粉絲支持，可是吳尊只得一名粉絲舉牌撑場。嘉欣謙稱因對方才剛下機又未現身，否則反應會更為熱烈。
    嘉欣透露這天心情特別興奮、奇怪，可能終於跟吳尊見面：“感覺好搞笑，陣間就可以睇下到底有幾似，我覺得係鼻同下巴，或者我要問下屋企人係咪有嘢瞞住我，其實我一直就有個‘失散大佬’！”嘉欣有想過模仿對方的髮型到場，可是未能跟服飾相襯才打消念頭，問她被指像男人會否不快，嘉欣大讚吳尊是個靚仔，能夠像他都是一種讚美，試過多年前因拍劇而剪短頭髮，真有街坊誤會她是吳尊，所以才盡量不剪短頭髮，以免真的像兄弟一樣。