陳慧琳笑蝦餃仔好戲

小魔女

昨日樂壇天后陳慧琳（Kelly）與前港姐趙雅芝出席瑞士依波路錶首間旗艦店開幕，Kelly透露大仔蝦餃仔上學很開心：「佢好多嘢講，返到屋企會數畀我聽學咗幾多首歌。」又笑言蝦餃仔會嘈住細佬小龍包睡覺，還會模仿細佬喊樣，如果見到Kelly抱住小龍包，就會呷醋撒嬌說：「劉昇得一個人。」繼而扮喊自己走開，連Kelly都笑指他這個年紀很好戲，至於她自己會否再拍戲？她坦言想，亦不介意做媽媽角色，因會更入戲。
而趙雅芝對早前選港姐一人一票未能成功舉行，表示：「我都即刻入去（投票），點知入唔到，（傳統用評判選嘅方法較好？）一人一票好有創意，第一次嘗試，下次搞會好啲。」問冠軍是否她原來的心水？她即面有難色說：「嗯，好難講，個個都好，依家啲女仔都好叻。」

陳慧琳表示拍戲不介意做媽咪角色。

趙雅芝謂有收藏手錶，並會跟老公戴情侶錶。