鍾嘉欣撐「舊愛」：佢呢期sharp

小魔女

女星鍾嘉欣、樂瞳、朱慧敏等昨日出席新劇《護花危情》祝捷會，慶祝該劇開播首周，收視錄得最高33點（約212萬觀眾）及平均31點的佳績，以大露背裝贈興的樂瞳，更得意忘形跌bra帶。
嘉欣被問到《護》劇雖無林峯演出，但對白經常提及「chok峯」，結果引發林峯與黃宗澤（Bosco）兩派fans罵戰，她說：「兩批fans都係錫自己偶像啫，可能有啲誤會，因為作為演員冇得控制對白。（TVB用盡奇招谷林峯？）咁佢呢期sharp，我之前拍劇有時都有提到佢，可能啲監製搞噱頭。」她又指獲前無綫監製劉家豪致電打氣，她說：「之前有傳呢個劇因為監製劉家豪離巢會遭冷待，依家證明公司都好支持，依家有33點收視，好開心！」


鍾嘉欣（右）透露劉家豪亦有致電鼓勵，旁為朱慧敏。
樂瞳對於林峯與Bosco兩派fans展開罵戰，她說：「其實林峯、Bosco都係當家小生，Bosco冇介意，我近排喺《回到三國》宣傳見到林峯，佢都減chok，可能着咗古裝啦！」