【睇英超學英文】車仔有個“Maestro”

chan200308

話咁快，英超開波已經一個禮拜。大部分強隊都順利贏波，當中最為出色的莫過於車路士。首次為車仔披甲已交出兩個助攻的法比加斯，更被領隊摩連奴形容為“Maestro”！

“Maestro”泛指有大師級功架嘅人，讀音就似“咪s嘈”。簡單講就係「咪嘈」中間加個“s”音。此字源自意大利，一個如此具藝術風情的國家裡頭指的“Maestro”，通常從事與音樂有關的行業，如指揮家。後來泛指在某藝術領域上有高超技術的人，當中帶尊敬之意。

至於點解法比仔會俾摩帥話佢係“咪s嘈”就唔駛我多講啦，呢位前阿仙奴球員初在車仔亮相（debut），就已經喺先失一球下帶領球隊反勝3球贏般尼。除展示了十足功架外，亦可見法比仔已快速融入球隊，今晚車仔又有比賽，“Maestro”又會有何演出？

係喇，無論喺邊一個舞台上，只要係首次演出就係叫“debut”。距離轉會窗關閉尚餘一個禮拜，各球會都密鑼緊鼓物色最佳人選，仍然有好多球員去向尚未落實，到底佢地嘅“debut”會