芷晴唔夠料 拒學o靚模性感

小魔女

黃日華愛女黃芷晴前晚首次以嘉賓兼模特兒身份出席活動，她表示對做model和藝人都有興趣，但就不會像o靚模般行性感，坦言抗拒穿着泳衣和內衣示人，亦不會出寫真。
黃家有女初長成，黃日華的女兒黃芷晴（Adrian）已亭亭玉立，前晚她就為時裝店開幕活動擔任嘉賓兼模特兒，與唐貝詩、日模松岡李那和韓模蔡恩真等一同示範新裝。Adrian表示這是她首個接的工作：「我讀design，對做model有興趣，但高度唔夠，所以主要影硬照同埋出席活動，artist同 model我都想做。（爹哋教路？）如果佢肯教就最好啦。」
爹哋做經理人問她可會簽約王維基旗下，她說：「本來有一次係約出嚟傾，不過佢冇時間，依家爹哋係我經理人。（無綫有冇搵過你？）冇。（爹哋話無綫 totally bad？）總之我支持爹哋嘅睇法，我好錫佢。（會否選港姐？）冇諗過。」她又透露自己有拍拖。問到她怎看時下o靚模，Adrian說：「係唔同類型嘅 model，不過我唔會好似佢哋咁着啲性感衫，因為我對自己身材唔滿意，身材唔夠佢哋好，自己都好抗拒着內衣同泳衣，自己平時着衫都唔性感。（底線？）冇諗過。（出寫真？）唔會，媽咪都唔畀。」
[tr][/tr]


黃芷晴有爹哋黃日華睇住，冇有怕。（資料圖片）


黃芷晴（右起）首個工作就是與唐貝詩、蔡恩真及松岡李那示範時裝。


松岡手腳都受傷，難為仲笑得出。
松岡受傷縫針同場見松岡李那左手包紮着、膝頭又貼上膠布，她謂早前在酒吧被推倒地上，遭玻璃弄傷縫了五針，並住了兩晚醫院，清明節又冇醫生當值，十分黑仔。另外，唐貝詩被問到妹妹唐貝欣當晚突然缺席，是否為避談與周杰倫拍拖的傳聞，她說：「我哋嘅生活唔會畀任何人影響。（佢話同你妹妹連朋友都談不上？）佢鍾意點講就點講。」

黃芷晴直言抗拒着內衣同泳衣演出。