張可頤演慈禧 化妝變老

lwl2007

張可頤和龔嘉欣等昨日在將軍澳電視城拍攝新劇《天梯》。可頤被網民批評，指頂替米雪拍《大太監》演慈禧，演技太嫩，她笑說：「希望大家唔好咁大反應，之前拍節目巡禮片段，演員未定。慈禧呢個角色係每個演員都渴望演，由後生演到老，我係咪真係咁嫩呀？依家啲化妝都幫到，米雪做當然冇得頂啦！但佢喺外地拍劇，唔知有冇時間。」她稱未知是否有份拍，因與無綫年底約滿，現交由經理人傾談，相信人工會有所調整，但她着重發揮機會。
而龔嘉欣被問到與男友鄧健泓有否結婚計劃時說：「咁你要問佢喇！但佢要過咗我爺爺嗰關先，希望30歲結婚！（男友想生BB有排等？）佢成日話第日要同個仔一齊去溝女，男仔年紀大先至生冇問題，女仔後生咪得。」
                                                                                 
                     
可頤與無綫年底約滿，會否拍《大太監》仍是未知之數。

                                                                                                              
昨日穿上裙褂拍攝出嫁場面的龔嘉欣，希望30歲結婚。