蔡楓華擇偶條件單身就得

蔡楓華（Ken）將於下月7日在紅館開個唱，昨日與表演嘉賓林志美在錄音室綵排，合唱經典歌曲《愛的火花》，志美表示喉嚨不適聲沙，她希望盡快復原，不想給Ken添壓力。Ken透露已籌備了半年，唱功一定會比之前九展的演出進步。問到傳聞的Fans女友可有為他煲湯養聲？Ken說：「真係冇喎！唔係企我側邊嘅女仔就係嘛，佢係助手啫！（古巨基都有助手女友？）呢個我唔知喎！但我肯定唔會喺紅館求婚。我都想有人鍾意我，我要求好低，只要佢係單身就得。」而他亦不抗拒與歌迷拍拖。