熊黛林嚴打小三：唔同佢客氣

小魔女

城嫂熊黛林（Lynn）外表斯文說話陰聲細氣，但估不到她會為了捍衞自己心愛的男人，會嚴打小三，揚言若面對小三，會不客氣，甚有大婆風範。

Lynn前晚一身性感打扮於澳門出席RIMOWA旗艦店開幕活動，與城城郭富城感情穩定、不時傳出婚訊的她，當談到有關小三介入一段婚姻的問題時，她說：「我覺得女仔要識得保護自己，冇分大婆定係小三，都唔好盲目咁爭男人，如果係好男人，有老婆就唔會捨得出去拈花惹草，唔係嘅話就算畀你爭到，都保證唔到冇下次，呢啲男人靠唔住。」

中門大開兼大露背的熊黛林，笑言會為男友趕走「飛來蜢」。

王敏德與名模姚予晴（左）及周汶錡老友鬼鬼。


混血女模Jocelyn及Cara G.齊齊出席活動。

Cara G.
會先看男方反應
Lynn表示自己未有遇過小三介入的情況，問她曾與城城傳緋聞的王秀琳算不算小三時，她即說：「我都未結婚。」至於若遇到類似情況，Lynn會先看男方的反應，若男友表現得很開心、很受落，她便會放手，她說：「如果佢已經拒絕咗個女仔，但個女仔仲唔走，先係我出馬嘅時候，我諗個女仔會見到我行埋去，我咁高。有家教、有禮貌嘅女仔，正常見到人哋有女朋友都會走開，如果唔係，我就唔使同佢客氣喇。（你會點唔客氣？）不過我又唔會打佢，亦唔會鬧佢。未遇過，唔知道。」她強調沒有遇過這種情況，亦不希望遇到。不過她說某些場合的確容易被人搭訕，她又明白男士很難拒絕主動問電話的女生，但認為仍可以選擇不接聽電話。
王敏德打女不安
另外，同場育有三子女的王敏德，提及與黎明愛將Janice Man拍攝的新片，戲中飾演父親的他，一幕打女場口，他自言感覺很不舒服，甚至覺得好邪惡，自言從不打子女，擔心子女看後會感到害怕。