Kelly餵人奶谷「大」龍包

lwl2007

陳慧琳（Kelly）誕下小龍包後，圈中藝人紛紛送祝福。助手昨午探望時表示，Kelly已可落床，並以人奶餵「小龍包」。

陳慧琳（Kelly）前日誕下幼子「小龍包」，其經理人鍾珍昨午做「代母」到學校接Kelly大仔劉昇（蝦餃仔）放學。期間，蝦餃仔見記者拍照即High爆，做出多個精靈動作，拗腰兼反白眼！鍾珍表示蝦餃仔仍有兩聲咳，故不會到醫院探望弟弟：「有同佢講媽咪生咗小龍包，但可能佢太細唔知咩事。」她又透露見過小龍包，但因未收水所以不知似Kelly還是老公Alex。

至於Kelly助手Leo昨午亦到醫院探望，並指Kelly可落床兼精神好。問到何時出院？他說：「應該2至3日，Alex全程陪住佢。」還踢爆Kelly前一晚透過視像與蝦餃仔傾電話，她亦會餵人奶：「Kelly睇報紙知道其他人祝賀佢，多謝大家。（佢見到小龍包有咩反應？）係咁笑！（再生？）生唔生仲未諗。」而小龍包的中文名亦未有定案。


祝快高長大

另一邊廂，古巨基昨日出席活動時得知Kelly誕下小龍包，即場送上祝福，希望小龍包快高長大，還自爆老闆也催他生仔：「連老闆都問我幾時生仔，我答佢我都未結婚，未生得仔。（先生仔後結婚？）個個唔同，我要結婚先生仔，但未有計劃，有嘅會講畀大家知　。」


同場的胡彥斌則表示車禍後已逐漸康復，但因受傷而取消五場巡唱。

                                                                                                                                  
Kelly預計三日內出院返家坐月。


                                                                                                              
榮升哥哥的蝦餃仔心情大靚，不時做出趣怪表情。


                                                                                                              
基仔自爆被老闆催生仔，但他不心急，講明要先婚後生。


                                                                                                              
韓國組合Brown Eyed Girls來港出席音樂活動，與各地歌手鬥唱。