Alice B透視裝揮低袁詠儀

小魔女

Alice B先露背，之後 穿透視裝行騷。 (Tungstar)

熊黛林、袁詠儀、謝婷婷為時裝品牌活動擔任嘉賓。
    Alice B透視裝揮低袁詠儀
    昨日，袁詠儀、熊黛林(Lynn)、謝婷婷、Amanda S等現身灣仔捧某時裝品牌場，Alice B、白歆惠、姚予晴等擔任模特兒，雖然靚靚以Deep V上衣亮相，但論性感程度不敵Alice的透視裝。
    Alice 說只想予人專業的感覺，原先都有想過貼乳貼，最後卻感覺奇怪惟有豁出去，初初覺得緊張，在後台時更覺得有點凍，不過出場後有射燈就好一點。相反Lynn稱現時無法接受，雖然初出道時都有試過露點行騷：“以前想人哋畀工作你做，唯有咩都要接，依家就可以揀吓。”
    靚靚說最近減肥，問是否因丈夫張智霖有微言，她笑說丈夫還指她過瘦，其實因為四月要到廣州開拍電影，既然對方需要的是美女，當然就要減肥：“不過同Chilam食飯佢仲點埋豬扒意粉，我大概要減八磅，好辛苦啊，好似減極都減唔到，好彩做健身唔見晒啲鬼祟肉。”
    盛傳有拐子佬出現，多個星級父母如陳奕迅都請保鑣照顧女兒，靚靚覺得不須太過誇張，自己早已用人釘人方法照顧囝囝，出入都有司機、母親看實，她說：“我灌輸知識畀佢，等佢睇報道張相，問佢如果有人畀糖佢食咁點，佢話唔會睬佢，又教佢如果有人拉佢走就要大叫婆婆、媽媽。”