張家輝飛行里數夠環遊世界

小魔女

張家輝近日兼職「空中飛人」，身為七料影帝的他，坦言到外地宣傳的飛行里數加埋可以換機票環遊世界，且因緊張新片票房，心情忐忑。
張家輝、王敏德、文詠珊（JM）、謝安琪及余安安等前晚現身旺角，出席周顯揚新片《大追捕》首映。大隊其後移師往中環包院睇戲及after party，自言緊張票房的家輝大前晚專程返港一天宣傳，昨已返回馬來西亞繼續開工，由於行色匆匆，粉絲們全晚貼身「護航」，深夜不肯散去，加上好友陳可辛及吳君如一家六口專程出現撐場，令家輝相當窩心。

張家輝與謝安琪揸槍擺甫士，有型有款。
扮啞似拍默片
家輝近日邊拍戲邊宣傳，遊飛機河令他頭昏腦脹，他說﹕「身邊兩個篋，放日用品嗰個唔敢亂開，驚帶漏嘢，淨係敢開另一個放乾淨衫替換咋，我諗啲飛行里數加埋都可以換機票環遊世界。」他直言票房乃大眾對新片支持的指標﹕「一日未開嚟見人，心情都係緊張。今次演啞巴，好似拍緊默片一樣，所花嘅精神及心血梗係多啲。」

王敏德夾在兩女中間，艷福無邊。

文詠珊（左）及余安安拍罷《大》片後，以母女相稱。

吳君如專程出現撐場，令家輝相當感動。
JM緊張演出
而余安安與JM合作後關係更見密切，首映禮上以母女相稱。安安被追問被傳與廿餘歲的舞台劇演員凌文龍過從甚密時，她回應︰「我哋之前合作後做咗『母子』，人哋比較低調，咁傳法梗係唔開心啦，總之佢年紀同我親生女差唔多，一定唔會咁（指拍拖），我唔會接受囉。（身邊有人追？）點都有啲。」當記者提議安安將凌文龍介紹給JM時，JM即謂︰「咁又唔得，咁咪『亂倫』囉。」而文母當晚亦現身支持愛女，電影開場後拉着家輝雞啄唔斷，對自己的演出緊張非常。