南亞排隊黨突大批湧至動漫今開鑼恐大亂

山道♂飄移

排隊黨大肆入侵動漫電玩節，加上掛3號風球，今日開鑼隨時大混亂。人龍昨午已達1,600人，歷屆最長，不少是受僱排隊買限量精品，昨更突然湧入大批南亞裔人，被質疑「打尖」，有排隊青年表示，「仲有啲似黑社會咁」，警車到場戒備，大會臨時提早派籌，場內並設排隊區等。炒家熱捧，只因千多元限量精品隨時可炒至 6、 7千元。

動漫電玩節一連五天，今日於灣仔會展開幕，排頭位的 15歲中三學生黃先生， 9日前已來輪候，為搶奪越一《 LFO小鬥士大冒險》近 2,000元的手辦，「有人話炒到兩萬我都唔賣」。排在後面的卻多是受僱來排隊的，「之前睇報紙，排隊黨會打交，有事我即刻會走開」。

「十幾個變幾十人」

排隊黨大致分三派，本地幫多是學年及主婦，「戰鬥力」明顯不及內地幫及南亞幫。葉姓青年透過朋友介紹前日來排隊，可獲1,200元，原本排頗前位置，但前晚半夢半醒之際，一批南亞裔人湧到，「原本只有十幾個，結果湧咗幾十人嚟」。他們都敢怒不敢言。青年Sam以時薪30元來排隊，「賺吓外快，自己都可以睇嘢」，他批評內地幫「瞓晒喺地，我哋冇位企」。南亞裔及內地人士對記者提問都三緘其口。


玉皇朝新推老祖宗御劍飛行高手辦，不同造型供粉絲選購。


Xbox360特設女士動感專區，讓女機迷盡情玩體感遊戲。

大會原訂今早派籌，但突然提早至昨晚9時，發言人解釋讓輪候者持籌入會展或天橋上避雨，但據悉是「收到風」深夜將有大批人企圖打尖，只好提早派籌以免混亂。「都知道唔少排隊黨嚟買我哋玩具」。 Hot Toys發言人Emily說，三款電影人偶各限600個，每人只可每款買一個，故炒家僱人來排隊搶購，「舊年一款人偶由千幾蚊，炒到4、5千蚊」。她說聽聞今年炒價更高，因內地買家需求大。她說會安排顧客先到排隊區，再逐批到攤位選購，「今年大會新規定，排隊混亂要罰展商錢」。她說早前已在旺角店舖預留各款 800個予熟客訂購，「佢哋就唔使嚟排，但當時都有疑似係炒家嚟，都冇辦法」。


排隊黨大肆入侵動漫電玩節，當中不少是懷疑收錢來排隊的南亞裔人士。


排隊黨大部份都為搶購人偶而來，包括《蝙蝠俠:俠影之謎》（左一及二），《鐵血戰士 2》人偶（右二）及《鐵甲奇俠 2》 Mark IV人偶（右一）。

粉絲罷買炒賣精品



玉皇朝發言人說，近年排隊搶購情況益發嚴重，故近屆已將部份精品提早透過書刊供讀者訂購。輪候了9日的蔡先生稱，為免炒家牟取暴利，動漫電玩迷都在網上發起罷買炒賣精品，但他承認內地市場才是炒家的目標。網絡遊戲以另類方法「回饋」粉絲，Gameone頭 40位顧客可選擇與台灣藝人黃以安、本地o靚模阿旦、或日本AV女優小澤瑪莉亞抱抱。Gamania則邀水着少女與粉絲一起啜棒棒糖。大會又增設女僕書房，由穿僕人制服的少女協助顧客揀選漫畫書等。不過一批網友發起今早 11時入場抗議AV女優及 o靚模入侵動漫電玩節。


有遊戲公司大搞抱抱會，頭 40位顧客可以選擇抱台灣藝人黃以安（左）或本地 o靚模阿旦（右）。