C朗入兩粒 皇馬2：0捧歐超盃

chan200308

周二歐洲超級盃，歐聯冠軍皇家馬德里頭威頭勢，藉葡萄牙型爆巨星基斯坦奴朗拿度上、下半場建功，淨勝歐霸盃盟主西維爾2:0。

萬眾矚目的皇馬「巨鑽陣容」正式登場，教練安察洛堤一口氣派出新加盟的占士洛迪古斯和卻奧斯，兩人同上演處子作，與舊人斯坦奴朗拿度（Cristiano Ronaldo）和加里夫巴利正選搏殺，配合賓施馬和莫迪歷等組成駭人的攻擊線。

全場控制大局的銀河艦隊，開賽5分鐘，C朗禁區外試射，被葡萄牙門將沒收；12分鐘，表現活躍的大紅人，左路博得罰球，離門30碼勁射高出。18分鐘，「007」左路傳中，巴利近門飛射被門將化險為夷。

30分鐘，大紅人C朗發動攻勢，輾轉去到左路的加里夫巴利腳下，望一望，再斬到遠柱的C朗，門前掃入，打破僵局。僅5分鐘後，擔任正選的卡斯拿斯演出佳作，化解了對手一次禁區內勁射。

換邊後，西維爾反攻不果，再失一球，49分鐘，C朗再下一城，拉開至2:0。

72分鐘，發揮中規中矩的占士洛迪古斯，被艾斯高入替。最終，西維爾破蛋乏力，銀河艦隊無驚無險淨勝兩球，捧走歐洲超級盃，為新球季打好基礎。