|
- UID
- 18
- 帖子
- 6658
- 主題
- 6591
- 精華
- 0
- 積分
- 14519
- 金錢
- 177632
- 閱讀權限
- 150
- 來自
- 妈妈的肚子
- 在線時間
- 814 小時
- 註冊時間
- 2011-3-11
- 最後登錄
- 2018-8-26
           
|
祖兒珍惜何詩：同性都係一種愛！
容祖兒12年前在紅館跟何韻詩初次相遇，從此寫下一段親密關係，人生得到密友啟發，令她變得勇敢！對於同性的愛，祖兒覺得普通不過，因為在大愛的世界裏，愛不應有任何性別界限：「同性都係一種愛！」
祖兒跟何韻詩（何詩）的情緣始於12年前紅館後台，由英皇老闆楊受成牽線：「99年楊生帶我睇梅姐（梅艷芳）演出，何詩為梅姐演唱會做和音，喺後台楊生介紹我哋識，當時我哋未正式出道。」由相遇、相識到相交，她說：「我哋性格好極端，係兩個不同形狀嘅人，佢有嘅我冇，我有嘅佢冇，但做朋友係咁先可以互相補給。」兩人種下深厚情誼，牢不可破。
看似硬朗的祖兒，承認個性舉棋不定，何詩比她果斷得多，她說：「我係會不停求進步嘅人，但我係好需要身邊人去啟發，佢經常賦予我一啲靈感，令我嘅人生、工作得到啟發。」在祖兒眼中何詩是一個烈士、先頭部隊，永遠向前衝：「佢會做一啲大家未做或唔會做嘅嘢，佢嘅言論有時太偏激，但做朋友你會明白！知佢個心因為着緊先會咁，呢個世界係需要佢呢種人，佢呢種行為確實影響到我變得更加勇敢。」對於兩人的同性關係惹人談論，祖兒理直氣壯地說：「我會問有冇影響到我事業先？又好似冇，我一樣繼續我工作，既然冇影響到我大事，嗰啲茶餘飯後畀你哋討論、諗吓OK呀！」事實上她覺得同性的愛普通到不得了，愛是沒有男女年齡界限之分：「同性都係一種愛，點解接受唔到？我覺得可能係DNA出錯少少，你唔可以話係唔正常，咁咩叫正常先？愛係一件大事。」她不明白到快要末日的世紀，何解還要在這話題糾纏：「根本唔使大驚小怪！」
一定唔會生BB
祖兒覺得每個人都需要愛情：「愛情係好得意嘅滋潤品，勝過任何護膚品、補品，令到個人都提升，塊面都Firm！（憧憬將來婚禮？）冇！我唔係公主，唔會諗自己婚禮幾夢幻，我個人好實際，最緊要兩個人個心一齊已經足夠。」但她沒有想過生仔：「阿媽成日驚我學壞，依家大個咗，依然當我係細路，擔心我呢樣嗰樣。我今日擁有咁多要珍惜嘅嘢，點會咁易畀呢啲嘢喺我手指罅漏走，所以我唔想做我媽咪依家做嘅事，我一定唔會生。」
祖兒對婚禮沒有憧憬，兩人真心相愛已很足夠！
祖兒（左）與何詩相交多年，感情要好。
|
|
