陳庭欣浸花瓣浴 震住笑

小魔女

港姐陳庭欣（Toby）早前到天津拍攝節目，更冒寒穿上三點式示人，不過最令她「心寒」的卻是浸浪漫的花瓣浴，笑言有苦自己知！現時單身的她，更透露旅程中遇上「白馬王子」，令她既興奮又雀躍。
陳庭欣日前到天津拍攝有關雪地馬球的節目，由於這是一項貴族運動，故Toby亦能一享七星級的服務！為應節目要求，Toby於零下八度穿上泳裝拍攝，她笑言另有一番風味：「其實室內都好暖嘅，地面都會發熱！」
遇「白馬王子」不過隨後浸花瓣浴就有苦自己知：「因為酒店員工實在太熱情，一早已經幫我哋準備好晒，但到我哋真正拍攝時啲水已經凍晒，仲要做出好享受嘅表情，真係一大挑戰！不過好彩唔使講對白，如果唔係我真係怕會凍到口震震。」


一臉享受浸花瓣浴的陳庭欣，其實有苦自己知。


陳庭欣與「白馬王子」相遇，更拍了不少合照。
Toby於旅程更遇上「白馬王子」，不過原來她所指的是白雪雪的馬兒，她笑謂：「嗰度有好多隻馬，全部都好乖好馴，我哋拍嘢時佢哋仲會伸個頭出嚟望，係好稱職嘅『茄哩啡』！」
冰上鑿窿釣魚Toby在最後一天到了當地的名勝拍攝，令她最為難忘的是能站在結了冰的湖泊上，不過她卻笑言此舉令她既興奮又害怕：「因為我見到湖邊嘅冰溶溶哋，加上好多當地人又會喺冰上面鑿個窿嚟釣魚，我真係驚啲冰會裂開！」
文：影視組

穿上三點式的陳庭欣指自己比選美時胖了不少。