杏兒峰殺華姐（13）余文杭淡定底抗

小魔女

28位應屆國際中華小姐候選佳麗昨日與評判胡杏兒、謝天華，以及賭王四太梁安琪等會面。視后杏兒化身「小黑咪」，大晒「小籠包」搶佳麗「峰」頭，而(13)余文杭知道坐低不慎走光時，仍能淡定講聲唔好意思。
《2012國際中華小姐競選》28位候選佳麗昨到九龍灣會見評判，雖然佳麗以私伙靚衫上陣晒料，仍不及視后胡杏兒的「V煞」夠照。以黑色deep V連身褲示人的杏兒，大開中門晒「小籠包」，連天華上台時亦要解衫鈕「開胸」還擊，笑爆全場！
不過杏兒受訪時直言未算性感：「我想走中性feel，費事同佳麗撞，都冇『胸』湧嘅感覺。（轉行性感？）性感都唔到我行啦！我哋要用另一個角度睇。（咁用黃宗澤個角度睇？）哎呀！我唔會無啦啦喺屋企着成咁，哈哈！」初任選美評判的杏兒，除注重外貌，亦會留意佳麗的談吐，又大讚佳麗水準高，但拒談心水免影響其他評判。



杏兒(中)與一眾華姐見面。


(5)林家冰當年選美可謂「平平無奇」。


(13)余文杭(中)奇招搶鏡。
眼見視后搶鏡，素有「甫士王」潛質的(13)余文杭出「陰」招坐下「底」抗，身穿短裙的她不但任影，當得悉走光時更狀甚enjoy：「不好意思呀，但我有穿打底褲，導師也有教我們儀態。」認真大方！





天華解開衫鈕，抗衡杏兒。


(26)朱晨麗（左）、(18)蘇慧文
(26)朱晨麗晚晚練舞至於香港代表(26)朱晨麗透露，本月15日的總決賽會表演跳舞：「晚晚都練到成十二點，我都有教其他佳麗跳。（邊個咁渣要教？）我最渣！哈哈！」問到視誰為勁敵，她大讚(25)于淼有氣質兼皮膚白滑，看來當「馬國陳法拉」的(5)林家冰冇到。林家冰在facebook上載多張去年選美的泳衣相片，相中的她身材「扁平」，看來難以威脅心口有「幾両肉」的朱晨麗。

杏兒Deep V上陣，谷出事業線，但仍嫌未夠睇頭。