謝天華打出好票房 肉搏唔見血唔收手

小魔女

元旦期新片唔算猛，仍由聖誕熱門片佔優，純港產片《Laughing Gor之潛罪犯檔》首日開畫收67萬元，在非假日上映，開畫票房唔錯，「Laughing哥」謝天華應記一功，為拍呢部戲，天華搏晒老命，多場跟吳鎮宇、杜汶澤埋身肉搏，不獨打到碌地，青筋暴現，最後仲要中槍鎆地，流到滿身鮮血，新年流流唔老黎無所謂，最緊要觀眾覺得好睇。撰文：方騫平　攝影：畢紹基
　　謝天華雖不能憑Laughing哥一角奪取視帝，但主演的電影報捷應該帶來安慰。豁達的謝天華輸獎贏民心，所以好快收拾心情，為《Laughing Gor之潛罪犯》埋尾。當日他跟吳鎮宇、徐子珊、黃宗澤移師烏溪沙青年營拍煞科戲，回復軍裝身份鮋謝天華Man到極，該場戲講吳鎮宇用槍射殺謝天華，在糾纏間，出現叉頸、碌地、起腳踼等動作。拍攝前，兩人多次試位，始終拳腳無眼，打傷任何地方都唔好，待天華墊好護辳和護膝後，馬上埋位，一開機即七情上面，真係唔打得都睇得。
　　謝天華又演又監
　　導演一嗌放飯，一眾麻甩佬就同徐子珊圍埋睇八卦周刊，探討城中熱話，邊食邊聯誼。飯後，Laughing哥為鰦加快拍攝進度，親自出馬去控制時間，指揮大局。眼見企門口的老臨太Hea，主動上前指導獱槍動作，鮍鮍聲拍完呢個鏡頭，緊接拍下一場跟徐子珊和吳鎮宇的混戰場面，Laughing哥要在腰間和手臂戴上血漿反應彈，拍前他緊張問工作人員：「要一Take過喎，唔好搞第二次喎，係咪得鮁？」最後當然能一擊即中，Laughing哥應聲倒地，滿身鮮血！請為勞心勞力的謝天華鼓掌。

天華和子珊糾纏期間面容扭曲，十分投入。

就算中場休息，天華都會好緊張同工作人員傾談拍攝內容。

天華與吳鎮宇的對打戲十分激烈，出現叉頸、碌地、起腳踢等動作。