落力支持港產片的杜汶澤，將繼續以超低價接拍王晶新片《爛滾夫鬥爛滾妻》，戲中艷福無邊的他遭女主角周秀娜色誘，難怪最近急忙減去豬腩肉去年阿澤夥拍薛凱琪開拍《爛賭夫鬥爛賭妻》，刀仔鋸大樹贏得600萬票房，王晶「食過翻尋味」，決定農曆新年前開拍同系列續集，不過卻飛起薛凱琪換來「新寵」周秀娜。據悉，劇情將交代同樣爛滾的阿澤與娜姐墮愛河，二人決定同居「守慾」以證真愛，結果笑話百出。阿澤一直視娜姐為女神，趁王晶還在修改劇本，竟提議加入遭娜姐「色誘」劇情，效果要媲美當年邱淑貞名作《不道德的交易》，擺明「公器私用」﹗ 
赤裸上半身自拍而阿澤去年患病期間因服用類固醇，足足肥了30磅，為了襯得起「女神」，近日積極瘦身，眼見略見成績即急於「晒料」，昨於網上發現他赤裸上半身自拍。阿澤接受電話訪問謂﹕「第一次同娜姐合作，好期待。（唔怕老婆呷醋？）佢好鍾意同我喜歡嘅女士做朋友，趁我唔喺香港已經約咗對方食飯，呢啲咪叫先發制人囉。」另銳意向影壇進軍的娜姐將與友人夾份開電影公司，被問到取代薛凱琪一事，她答︰「唔好咁講，因為我唔爛賭，只係爛滾啫。（將男友去滾嘅嘢加埋入戲度？）咁我唔介意阿澤去問佢取經。」 | 
