【晴報專訊】曾志偉、張學友去年底召集群星參與《梅艷芳紀念音樂會》，二人昨日舉行記者會，把一張港幣50萬元支票遞交予兒童癌病基金。志偉回應香港電視近日的發牌風波時，力撑無綫沒有出招阻礙港視開台。
曾志偉和張學友昨日進行支票遞交儀式，宣布去年舉辦的《梅艷芳．10．思念．音樂．會》經扣除一切開支後，約有36萬元收益，他們私下再捐出善款，將金額升至50萬元捐到受惠機構「兒童癌病基金」。
身為阿梅契妹夫的學友表示：「今次音樂會好成功，對阿梅有所交代。」志偉表示：「學友對每件事都好奄尖，佢都話成功就圓滿。今次藝人做得開心，反應又好，最緊要大家認同件事。」志偉又強調不會推出音樂會DVD作籌款，他說：「但我們會錄製光碟送給演出藝人做紀念，亦會送一隻畀梅媽。」
學友嘲志偉被偷拍
提到王維基前日稱港視走投無路，有傳是無綫去信議員令港視開台計劃受阻，志偉認為：「TVB邊有咁叻，一時三刻唔會做咁嘅事，不過王維基今次都好，起碼無炒人。其實（開台受阻）對業界來講係唔想見到嘅，多一個競爭對手都係好事。」身旁的學友亦附和：「我都支持你。」
此外，有雜誌封面報道稱，志偉夜蒲攬着馬來西亞紋身女師傅。志偉被追問此事，顯得一頭霧水，他不斷反問：「邊個嚟？我都未睇，要先了解。」學友突然又衝口而出：「你終於都畀人影到。」 | 
