甄子丹出碟爭新人獎

lwl2007

向來打得又睇得的甄子丹，在賀歲片中飾演Rock友，為提前「賀歲」，他將新片精華剪輯成MV放上網，並於今日曝光，唱上癮的他更不排除月內推出EP！

號稱「宇宙最強」的甄子丹，除了拳腳功夫及賺錢能力超強外，原來都十分唱得！十數年前曾為劇集主題曲初試啼聲的子丹，在賀歲電影《八星抱喜》中再開金口，化身狂熱Band友與吳君如齊齊放笑彈。繼早前曝光的爆炸頭Look後，子丹這次戴上超長假髮扮Rock，拿結他重唱偶像許冠傑的經典金曲《天才與白痴》及《天才白痴夢》，加上狂野十足的表情，實在維肖維妙，連老婆汪詩詩也忍不住打趣說：「冇見過老公咁樣！」笑言驟眼看還以為子丹換了國籍。


苦練結他冧觀眾

子丹對自己的搞笑扮嘢形象十分滿意，他說：「本來老闆黃百鳴安排我踢波，不過我對玩音樂信心多番啲，所以向佢提議改演Band友，事前花咗兩個月苦練結他，啲朋友讚我彈得有板有眼，希望觀眾都鍾意啦！」


為了提前跟丹迷賀歲，子丹特意將戲中「獻唱」的精華片段剪輯成MV，並於今日放上互聯網與眾同樂。據知，這些原來是他「進軍」樂壇的頭炮，因黃百鳴有意於稍後為電影推出DVD，並會乘勢為子丹推出個人EP（細碟），一圓其歌星夢。不過子丹謙稱未夠班：「今次只係玩票性質，所以冇乜壓力，真係冇諗過要進軍樂壇！自問未夠班！」但他不介意角逐樂壇新人獎：「係都唔拘喎！最緊要係觀眾睇到我嘅誠意。」

                                                                                                                                             
飾演狂熱Band友的甄子丹，邊彈邊Fing頭髮，Rock味十足！


                                                                                                              
戴上黑超的甄子丹，在水上喪彈結他，十分搞笑！


                                                                                                              
甄子丹（右起）、古天樂與大肚的陳慧琳拍攝《八星抱喜》大放笑彈！