商天娥難頂雪妮寧死避之則吉

向來脾氣差犯眾憎的商天娥，不少同行難忍她黑口黑面背後封她為「黑天鵝」！她先因遲到辣興同劇出名脾氣好的張兆輝要監製出面調停，近日更有指劇中阿媽雪妮因難頂「黑天鵝」向監製「求死」，惡名遠播，令同劇工作人員敬而遠之，搞到平日冇人願與「黑天鵝」同枱食飯。
商天娥脾氣大出晒名，在無綫拍劇多年先後與不少演員交惡，繼有《巾幗梟雄》的鄧萃雯、惠英紅、謝雪心和岳華；又有《掌上明珠》的宣萱、林保怡等，令到不少同行怕怕！

商天娥、輝仔在劇中演夫妻，被迫合作。（資料圖片）
冇人肯同枱食飯最近娥姐與闊別無綫十年的張兆輝（輝仔）合作處境劇《結．分＠謊程式》，扮演夫妻，惟娥姐又再「黑天鵝」上身，導致「夫妻」人前冧爆背後嬲爆。娥姐除了因脾氣唔收冇人願與她同枱食飯外，她又經常遲到，日前輝仔、黃德斌、李思欣等大班演員，因排戲遲足成粒鐘仍未見娥姐出現，令向來冇乜脾氣的輝仔忍無可忍要搵監製關永忠擺平事件，監製落廠了解事件並大興問罪誰人遲到時，剛趕得及入廠的娥姐自行招供說：「係我！」一眾因「黑天鵝」惡行敢怒而不敢言的人即大拍手掌，力撐輝仔。
而在劇中演娥姐母親的雪妮，縱橫演藝圈數十年也不獲尊重，有指她因難頂「黑天鵝」行為向監製「求死」：「監製，不如你寫我死咗去算啦！」可見二人已到水火不容地步。
輝仔與娥姐不和，昨日如常與同劇演員湯盈盈、滕麗名等出席宣傳活動，期間兩人明顯面左左，身為主角的輝仔大合照時寧靠邊站，要由其他演員拉攏才走回中間位與娥姐並排，但他全程笑容欠奉，與娥姐保持距離冇交流。直到遊戲環節，同組的二人仍然是零交流，即使娥姐識趣地將麵粉揩到輝仔鼻尖，兩人的氣氛未見好轉。
記者向輝仔了解時，他在電話中坦言娥姐性格「好直」，更多次強調準時的重要性：「我就冇嘢，只希望往後順利就算。演員遲到應該由高層處理，如果我理埋就越權啦！我有同監製傾過，希望所有人都準時啦。」娥姐亦透過電話否認遲到：「今日（昨日）做冬喎，唔好傳呢啲嘢，我哋相處得好融洽，就算有都係誤會。」

搽麵粉氹番

離行離列

擰歪面唔睬

左起：謝雪心、張兆輝與商天娥在劇中合作面左左。

雪妮：監製，唔該你寫我死啦！（資料圖片）

湯盈盈（左）與滕麗名在活動中鬼咁好傾。
「阿媽」話佢有性格而向監製「求死」的雪妮坦言略有聽聞娥姐之「黑天鵝」惡行：「聽講同佢合作過嘅人都話佢麻麻哋，憑良心講，我同佢合作《結》劇到依家都仲OK。講到排戲遲到我唔在場，只係事後聽聞有事發生，但冇人講清楚到底咩事囉！（傳你要『求死』？）冇呀，我唔講喇！」不過雪妮坦承娥姐「好有性格」：「戲裏面我做佢阿媽，唔會有好大衝突，人哋心情唔好咪傾少句囉，做演員個個都有性格啦。」
文：影視組

返回列表

商天娥難頂雪妮寧死避之則吉

[收藏此主題] [關注此主題的新回復]

[通過 QQ、MSN 分享給朋友]

商天娥難頂 雪妮寧死避之則吉

[收藏此主題] [關注此主題的新回復]

[通過 QQ、MSN 分享給朋友]

商天娥難頂雪妮寧死避之則吉