莊思敏學廚趕尾班車

lwl2007

莊思敏前晚出席餐廳的開幕派對，單身多時的她承認以往對男朋友過分嚴厲，現在為趕尾班車會改變自己做個貼心女友，更有意學廚留住男人的胃！


莊思敏（Jacquelin）、李曼筠、趙哲妤、林建名、胡渭康、麥貝夷、鍾一憲及梁思浩等，前晚出席由Cario Hon與友人合資千萬的意大利餐廳Alba開幕派對，場面非常熱鬧。早前宣布拒愛林忠豪的Jacquelin，正等待下一位追求者出現，而她亦努力改變自己，有意學烹飪做個溫柔女友，問到是否想留住男人個胃，她直言：「係呀，要學煮嘢趕上尾班車！」

Jacquelin直言以前拍拖對男友管制較嚴，令對方受壓感辛苦，現在希望學習細心和體諒。近期張馨予潛入男友吳卓羲微博，問她是否會像對方一樣要求男友交出私人密碼，她說：「我覺得可以Share，但又唔會逼對方一定要交出嚟，只係覺得如果感情穩定就可以透明啲，可以交換微博、Email密碼，但我接受唔到對方私自刪改入面嘅訊息，試過有男友私自將我Email入面嘅嘢刪除，因為佢唔想畀我知睇過，但嗰個Email同工作有關，所以影響好大。」

Maggie上圍縮水


同場的李曼筠（Maggie）和趙哲妤穿上性感短裙現身，卻見Maggie身形以及上圍縮水，她說：「背脊瘦咗，上圍吋數係細咗，但Cup數冇變，要買過晒啲胸圍。」日前她被拍得與公司老闆睇黎明演唱會而傳緋聞，她否認拍拖，問到會否恨拍拖？她說：「都單身咗咁多年習慣咗，如果兩個人一齊反而會唔慣。」
                                                                                                                                           
密實的莊思敏出席開幕派對時直言正趕尾班車。

                                                                                                              
麥貝夷（左）與鍾一憲（右）舉杯祝賀老闆Cario Hon（左二）。

                                                                                                              
大騷長腿的李曼筠（右）和趙哲妤鬥性感。