【各行各業睇世盃】公關：讓我想起那些年

chan200308

決賽周如箭在弦，氣氛熾熱，與本港僅一水之隔的澳門同樣不乏捧場客，且聽任職公關的Gloria細訴過去睇世界盃的難忘經歷。

「呀妹，今屆你鐘意嗰隊好危喎。」看著我疑惑的眼神，哥哥沒好氣地說：「講緊世界盃呀，我記得你以前好鐘意睇，嗰時仲同我搶體育版。」哥哥邊說邊在日曆上記下紅色記號，此情此景，確實勾起我不少回憶。

那時正值青春期，不甘隨波逐流，但偏偏被當時公認帥氣有型的英格蘭球員碧咸深深吸引。為證明自己「並不一樣」，我開始搜羅有關足球的消息，剛好又碰上世界盃開鑼前，媒體大事報導英格蘭球隊的資訊，讓我興奮莫名，更決心通宵觀看直播賽事。

當時哥哥看著我在日曆上左圈右寫，帶點不可思議的問：「呀妹，你打算睇世界盃？你真係識睇先好喎，如果唔係早啲瞓好過啦。」

為了不被哥哥看扁，我在賽前做足準備功夫，包括調查球隊資料、戰術，甚至翻看球員的訪問等。如此一來，讓我在觀看賽事時大呼過癮。然而，隨後因赴外地唸書，再加上欠缺了年輕時不顧一切的衝動，我對足球的熱誠慢慢冷卻下來。

時而世易，如今碧咸早掛靴了，而我也已投身社會工作快兩年。在澳門，不外乎兩大行業：賭場酒店及政府工作。作為一個在政府擔任公關工作，準時上班、下班的日子雖然穩定而安逸，但不知怎地卻讓我變得缺乏動力及懶惰起來；唯獨每4年一到這個時候，總讓我想起那些年，狂熱又冷靜地追看賽事的日子。

Gloria（公關）

問：邊年開始睇世界盃？
G：2006。

問：世界盃最難忘的回憶是甚麼？
G：最難忘係啱啱開始學睇世界盃，突然間支持嘅球隊入咗一球，嗰刻真係情不自禁同我呀哥一齊歡呼；結果，我哋兩個被爹哋罵到中場休息，話我哋嘈到隔離屋都聽到。

問：今屆捧邊隊？
G：英格蘭！因為英格蘭球員我先開始睇足球，點都有份情意結係度。

問：最想和誰睇世界盃？
G：最想都係同我哥哥一齊睇，雖然佢間唔中都會笑吓我好多野都唔識，但我覺得佢係唯一少數肯喺睇波期間俾我煩住問嘢嘅人，所以同佢一齊睇感覺最舒服。