許冠文曾揚言養起陳欣健

小魔女

陳欣健、許冠文情同手足。
    許冠文曾揚言養起陳欣健
    陳欣健(Philip)及“冷面笑匠”許冠文(Michael)早前作客有線娛樂台節目，Philip更自爆當年因老友Michael一句話，毅然“劈炮”唔做警察，殺入娛樂圈，一圓電影夢。
    Michael 自爆與Philip同是男校出身，年輕時都很怕醜，但又好心急想識女仔，“返學有一半時間都企響女校旁邊等放學。”自小便有演藝天份的Michael，大學未畢業就吼準時機，把握機會踏上星光之途。以電視台撰稿員入行的他笑言最深刻是一次主持問答比賽時，因問錯問題撞大板而一夜成名。“當時我問‘蚯蚓的生殖器官在第幾節’，明明參賽隊伍答啱，我就話佢錯，最後畀人鬧爆。當時仲有頭版大大隻字寫住‘許冠文的生殖器發生問題’，嚇到我唔敢睇報紙。”
    Philip 則謂其入行全因偶然的機會，“我中文‘肥佬’，考唔入大學，就走咗去當差，但其實個心好鍾意做電影。有次蕭芳芳搵我拍一套描寫警察對付毒販的戲，我上司驚我愛上拍戲唔返工於是反對，但Michael知我鍾意，更許下諾言若轉行失敗就養我一世，因此才鼓勵了我踏出這一步，一圓電影夢。”