香香鎖定400萬樓

王腳立

「香香公主」岑麗香最近接Job接到手軟，身價急升！她坦言希望在短時間內密密賺，目標盡快儲夠首期，實踐做業主美夢！
岑麗香昨日以代言人身份為apm商場拍宣傳照，新鴻基地產代理有限公司租務總經理馮秀炎親自探班，加上製作班底強勁，包括曾為日本歌姬椎名林檎擔任形象指導的飯山鳥久美子、美術總監千原徹也、安室奈美惠御用攝影師伊藤彰紀，以及髮型與化妝師岡田知子，可見香香備受重視！

香香自爆酬勞高達6位數字，但實際數字要賣關子：「總之實際數字唔講。（同apm多次合作，酬勞升咗好多？）唔知。」她坦言因劇集《巴不得媽媽…》而人氣急升，工作接踵而來，記者笑指她豬籠入水，她亦承認現階段是人生以來賺得最多：「未試過咁短時間賺咁多，但計埋都係得6位數。（夠錢畀首期？）未，但距離目標愈來愈近！我唔會亂花錢，因為我真係好想有自己屋企。」她識做地賣口乖：「呢一個（指置業）係我最大夢想，另一個夢想係自己嘅肖像大海報高掛外牆，依家apm幫我實現咗！」
聖誕新年搶灘
談及理想的家，她表示要鄰近將軍澳電視城，預算約400萬元：「雖然依家有好多機會，但娛樂圈有高低潮，要好好珍惜眼前。屋企人問過我使唔使幫手置業，但我想靠自己實力去賺錢，滿足感會大啲，希望聖誕同新年密密賺夠首期！」

此外，香香前晚偕《巴》劇拍檔出席慶功宴，與傳過緋聞的錢嘉樂大方合照。
名人組


首次代言商場的香香自覺似公仔，感覺很得意。

馮秀炎（左）安排星級班底為香香扮靚，並到場打氣。

馮秀炎（左）細心為香香整理儀容。


香香與錢嘉樂合照，樂易玲做「電燈膽」。