高海寧被「突襲」撩隻揪

lwl2007

「無綫咪神」高海寧、模特兒蔡恩真及MadiRoss等昨日行婚紗騷，高海寧自爆近日微博遭怪客入侵：「有個人話夢見我係九陰真經傳人，話要同我『隻揪』！佢每日留幾十個留言，好煩囉！」她向微博專員求助，可惜對方叫她私人解決及報警：「好彩有好多粉絲支持我，搞到嗰個人呢兩日冇乜動靜！」情人節將至，問到如何慶祝？她說：「應該會同女性朋友食飯。」
同場的蔡恩真則澄清日前被拍得光頭男護送回家的報道，否認對方是男友：「嗰晚有朋友生日，不過我飲醉咗，咁佢（光頭男）又同我住得好近，所以先送我返屋企！我會控制吓酒量，因為畀人影到飲醉酒好不雅！」

                                                                                                                                  
高海寧一身性感婚紗，格外省鏡。


                                                                                                              
Madi Ross、 蔡恩真示範婚紗，各具美態。


                                                                                                              
蔡恩真