周潤發玩謝曉明 爭住照Baby

小魔女

周潤發與黃曉明當眾舉行「上香交權杖」儀式，正式成為師徒。曉明笑指以後有發哥「射住」，發哥即發揮幽默本色，除為曉明改名「handsomebaby」，更笑言只會照顧Angelababy，全場爆笑，令曉明非常尷尬。
發哥、曉明、吳鎮宇及洪金寶正式展開主演新片《大上海》的宣傳之旅，昨首站於香港舉行記者會。電影公司先將香檀放置舞台正中，安排發哥將「龍頭棍」交予下跪的曉明，然後一眾身穿黑衣的男主角陸續上香，與加入社團儀式無異，就連發哥亦禁不住謂：「我哋唔好講咁多，陣間警察嚟嘞！」他又主動幫手搬開台上枱櫈，方便記者拍大合照。
唔洗底褲「壓」場曉明正式成為發哥徒弟後，即向恩師送高帽：「以後有發哥罩我。」轉數甚快的發哥回道：「咁大個人使乜照呀？我淨係照顧Baby咋！不過你咁靚仔，係『handsomebaby』，嗰個就係Angelababy。」期間他又叫曉明不要經常chok樣，笑爆全場。之後發哥打趣指今次與曉明同演一個角色，對方佔戲比較多，理應將自己30%片酬過戶給曉明：「不過後嚟發嫂唔制呀，所以攞番囉！」有指發哥於片場內相當壓場，發哥愈講愈風趣：「着條底褲成個星期唔洗，咪『壓』囉。監製劉偉強咁兇，我哋要閉嘴閉眼演戲唔好望佢，再用條『壓』底褲笠佢塊面。」
[tr][/tr]


曉明下跪接收發哥的「龍頭棍」，正式成為師徒關係。


曉明展示發哥為他拍的照片。


洪金寶（左起）、吳鎮宇、發哥及曉明上香，祈求票房大收。
讚發哥識搵美食事後曉明接受訪問，主動拿出發哥為他拍的照片讓記者拍攝，他說：「發哥是我見過最貼心的演員。不！是大明星！他對片場上下也很照顧。我跟他現在保持聯絡，想請他與發嫂到我家鄉旅行，不過他問我：『去幹嘛？你又不是陪我睡！』我也想跟他學吃，在上海拍戲時，他經常找來好東西宴客。（今次來港會跟他去『覓食』嗎？）想啊，但我只來兩天，時間不夠。」對於被發哥取笑他與Baby的戀情，曉明任由記者發問，但只報以尷尬微笑，最後拋下一句﹕「還是下個問題吧。」
文：影視組